الصحوبيه بين الكذب والفشر

مبدأيا كلامي موجه ليكي انتي يا بنوتة ..
ياللي فرحانة بشوية الكذب والفشر والكلام "الحونيّن" اللي بتسمعيهم كل يوم
وكل ساعة وكل دقيقة وشايفة على أساسهم إن الدنيا "ريشة في هوا طايرة مابين
جناحين"



مش عاجبك اني باقول فشر وكذب؟؟ طيب يا ستي اسمعيني للآخر



هاتكلم الأول من ناحيتك انتي :

انتي مبتحبيهوش على فكرة .. اصبري ومتستعجليش واعرفي انا باقول كدة ليه



1- لو بتحبيه كنتي اتمنيتي انك تكوني شريكة حياته ويوصل الموضوع لمحطته
الشرعية (الزواج) لكن انتي بطريقتك دي (الصحوبية) بقيتي في نظره سهلة
والراجل (الراجل مش الذكر واظن انتي عارفة الفرق) مبيتجوزش البنت السهلة .

2- لو بتحبيه كنتي خفتي عليه من غضب ربنا وإنتي ست العارفين إن الصحوبية حرام ...

3- لو بتحبيه حبي إن نصر إمتنا يكون عل إيديه وإن موضوع انه يصاحبك دي
(بتوجع الكلمة مش كدة ؟ ) بيأخر نصر الأمة كعقاب لينا بسببه وبسبب كل اللي
بيتهاون في حدود الله



كفاية الثلاث أسباب دول وتعالي بقى نشوف ثلاثة تانيين لكن من ناحيته هو عشان تعرفي برضه انه مش بيحبك :

لو بيحبك كان بقى مسؤول قدام اي حد عن رعيته اللي هي انتي .. ولو انتي
شايفة نفسك مش من رعيته دلوقت امال انتي ايه بالنسباله؟؟ صاحبته (كلمة
بتوجع وتذل لكنها واقع)



2- لو بيحبك كان خاف على سمعتك ومخلاش كل صحابه وزمايله يتكلموا عنك نص كلمة كل ما يشوفوه معاكِ

3- لو بيحبك مكانش سمح لنفسه انكو تتقابلوا في كافيتريا وتقعدوا في
آآآآآآآآآآآآآآآخر طرابيزة عشان محدش يشوفكو وكأنه بيسرق وده بيخلي
الشيطان يزقطط ويطوّر الموضوع بسرعة

انا سمعاكي بتقولي في سرك " الحمد لله مبيعملش كدة " هاقولك : بلا خيبة .. يعني لما بتقعدوا قدام الناس دي بتبقى حاجة عدلة ؟



آآآآآآآآآخــــــــــــر كلمــــــــــــــــــة هاقولها :







يا أخي : أعرض عن هذا



و يا أختي : استغفري لذنبك

كلمات حلوه كتير
تسلمي نقابي عزتي
الله يحفظك ويهدي الجميع

للاسف الشاب ممكن يمشي مع فتاه لكن هل يرضى على اخته هاالشئ
لا والف لا
اذن فانه يحب اخته ويخاف عليها
وسبحان الله كما تدين تدان ومثل ما بياذي بنات الناس اكيد اخته بتتاذي

تقبلي مروري