- " مِنَ القلبِ إلى القلبْ

السلامٌ عليكمْ ورحمهُ اللهِ وبركاتُه

ممممم , صراحة ببالي كلام ..
كان ببالي من فترة .. وما طلعته ..

وحبيت اشارككم فيه كـ سوالف :$
لكن يارب يدخل قلوبكم مو بس قراءة

"

تفكّروا معي بـ " الدنيا عند الله , لا تساوي جناح يعوضه "
البعوضة : الناموسة . حشرة صغيرة مرة مرة !
وهالدنيا أقلّ من جناح بعوضة . . يعني !!!

والآن الصراحة كثروا الموتى , مرة مرة

عن نفسي ..
قبل اسبوعين جدة صديقتي ..
وقبل كم يوم صديقتي
وامس عمة صديقتي !

ما ندري بعد كم يوم مين .. انا ولا أنتِ ولا هي !

لو تفكّرنا صدق بهالدنيا !
حقيرة .. صغيرة .. ما تسوى
مهما اجتمعنا لابد من فراق حتى لو اننا ماتجهزنا له !
محد يضمن عمره مثل سالفة صديقتي .. طالعين مخيم وكاشتين ومبسوطين .. مين كانت حاسة انه كان يومها !

تدرون وش تنبهك له هالاشياء ؟
عيشي لنفسك وعيشي للناس معك !
لان مردك يوم بتروحين منهم , وتتركينهم , ومحد راح ينفعك !
خلي فيهم شيء يذكرونك فيه , كانت طيبه كانت اخلاق عمرها مازعلت احد , لأن ماتضمنين لاركبتي السياره تنزلين منها ولا لا !
ولا تضمنين اذا نمتي تصحين اولا !
خلي لك شيء بهالدنيا يشفع لك يوم القيامة , ومو شرط هالشيء الكل يعرفه "
اعرف كثير يوم ماتوا عرفنا من بعد موتهم اشياء كثيرة سووها بالخفاء بينهم وبين ربّهم ()

قبل تنامين فكري بيومك كله كيف راح ووش سويتي فيه !
سامحي كل من اخطأ بحقك .. فـ " من عفا واصلح فأجره على الله "

كثري من :
اللهمّ يا مقلب القلوب ثبت قلبي على دينك ,
اللهمّ احيني إذا كانت الحياةُ خيرًا لي , وتوفني ما دام الموت خيرًا لي ()
اللهمّ لا تفتنّا بالدنيا , وردنا إليك رداً جميلاً .
اللهمّ اجعل اخر ما ننطق به قبل موتنا " أشهدُ ان لا إله إلا الله , وأنّ محمداً رسولُ الله "
ياربّ متعنا برؤية وجهك الكريم

احذري من مجالسة صديقات السوء "
والله ثم والله انهم بهالدنيا فقط , وبالآخرة ما راح ينفعونك ,
لاتغركم الدنيا مهما وصلو الناس فيها , لأنها جد شيء حقير لدرجة انها تقارن بجناح بعوضه !
نداري هالعالم , نسكت ع الغلط ,, ما صار فيه شيء اسمه الأمر بالمعروف والنّهي عن المنكر !
أشياء كبيره بنحاسب عليها ماقدمنا لها ولاااا شيء !

تفكّروا بعبارة "

( من يشتري الجنّة .. بصلاةٍ في ظلام الليل يخفيها ! )
فييه أحد ما يبي الجنّة فيه احد ما يبي يكون مع الرسول عليه الصلاة والسلام !

أحياناً اشياء تضيق صدرك بس جد تخليك تقومين من غفلتك
لو إحنا مكان هاللي ماتو , ما احس اني قدمت شيء ينفع اقابل ربي فيه ! ="""(
اليوم هم عبره لنا بكرى انا وانتم بنكون عبره لأحد

والله ما ذهبوا لنبقى .. هم سبقونا فقد 3/> !

"

لا تعلّقون قلبكم بأحد غير ربّ سبحانه وتعالى
لا تحبون محبة عظيمة ! عشق وما شابهه !

لا تخلين الدنيا أكبر همّك ,!

كل يوم اكتشفي فائدة من هالدنيا , وشاركيها غيرك !
استغلّي قيام الليل وادعي ربي يثبتك ع طاعته "

؛

خلي عندك طموح سامي
طموح ينفع أمّتنا , يعلّيها فوق , يرفعها ,

لا تخلّين كل شيء يزعلك , يهزّك , يصيبك بمرض الحزن اللي محد يتمنّاه

والله لو ندري ان هالدنيا فانية ما زعلنا ما حزنّا ما انصدمنا ..

تبغين ربي يصلحك ويهديك , افعلي بالأسباب مع الدعاء
قد شفتوا احد يبي القمة .. وهو حاط رجل ع رجل ؟

بالأوّل إذا شفنا احد مهموم , متضايق , زعلان ..
سألناه قال :
سيارتي راحت .. فلان توفى . . بيتي انحرق .. !

الحين :
فلانة زاعلتني !
فلانة جرحتني ,

حبّي صديقتك .. تمنّي لها الخير .. وقفي معها فـ كربتها . . ادعيلها ..
لكن تتعلقين فيها لدرجة انك " ما تقدرين تعيشين من دونها " !
لو انها امي ولا ابوي !!!

لا تنتظرين من احد يمدحك او يشجعك ,
ابدئي من الآن , !
حطي لك صندوق ما يشوفه احد , وكل يوم حطي فيه ريال او ريالين اللي تبين .
وبعد فترة .. خوذيه وتصدقي فيه ..

سوي لك عمل خيري او اي شيء ينفعك بالآخره .. ومو شرط الكل يعرفه "
ممكن تسوينه بس يكون مجهول !

هالدنيا والله ما تسوى زعلنا , وبكائنا , وضيقتنا . . . .
الدنيا فانية ! وحنا مصيرنا نروح منها !

ونريدُ الجنة بإذن الله

مممم ,
كثير كلامي
بس والله هذا بقلبي والحمدلله جا اليوم اللي اطلعه هنا :$
واتمنى كما طلع من قلبي , يدخل قلوبكم ()()

وشكراً لحسن إنصاتكم ()

سلمت يداكى اختى فى الله

الكتابه صغيرة جدا

دمتى بحفظ الله وامنه

» وَنَاَجَتْ طُيُورِ الإِيِماَنِ محَلِقَةً بِ سَماَءِ القلبْ ..!
» لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
» هلالُهُ في السَّماءِ و نورُه في القلبِ
» وفَي القلبِ قِنديلٌ يتَوهّج || كَيف نستقبِل رَمضــان ؟
» وفَي القلبِ قِنديلٌ يتَوهّج ||تَنظيمُ الأوقــــــاتِ فَي شَهرِ العِبــادات