((((((((((((***حراء اصبعو***))))))))))))

السلام عليكم ورحمة الله وبراكاتو

حراء اصبعو طبخة شامية ولذيذة كتير وسهلة التحضير

ومفيدة كتير لاحتوائها على مكوناتها الغنية بالفائدة

((((المكونات))))

1_كاسة عدس حبة كاملة *لونه بني*
2_ملعقة ونص دبس رمان

3_حبة بصل كبيرة مفرومة جوانح رفيعة
4_*6*فصوص توم او اكتر من** 6**مطحونين ناعم
5_جرزة كزبرة خضرةمفرومة ناعمة
6_زبدة او زيت زيتون
7_ليمونة
8_معكرونة راصورنص كيس* اوممكن تستبدليها بعجينة رفيعة مقطعة*


((((((((((((((((((طريقة التحضير))))))))))))))))))))

نغسل العدس ونسلقه نص سلقة وبعدين نضيف الدبس الرمان عليه
في الوقت الي عم ينسلق العدس نقطع البصل جوانح ونقليه بشوية زبدة
او زيت زيتون *حسب الرغبة*
بس لحتى يشقر البصل شوي مو كتير
ثم نضيفو على العدس بعد سلقه نص سلقة
وبعدين نضيف المعكرونة او العجينة
طبعا لازم تكون المي بالطنجرة كتيرة مو قليلة
من شان المعكرونة بتمتص المي لحتى تستوي او
اذا المي قليلة نضيف مي مغلية
وبعدين نضيف ملح حسب الرغبة وعصير ليمون*لازم تكون حمضها ظاهر*
يعني نضيف عصير نص ليمونة واذا حمضها قليل
نضيف نصفها التاني
واثناء الغلي نحضر شوية زبدة او زيت زيتون
ونقلي التوم لحتى يصفر ونضيف عليه الكزبرة المفرومة
بحيث تقلبيها مع التوم تقليبتين يعني ما تدبل كتير نطفي النار عليها
ونضيف ربعها على الطنجرة لتغلي مع بعض
وقبل ما تستوي بشي 10 دقائق تقريبا
نضيف باقي التوم والكزبرة عليها
او اذا بتحبي طعم الكزبرة ممكن ما تضيفي الكزبرة والتوم الباقين على الطنجرة
ممكن تضيفيهون على الطبق التقديم
مع شوية خبز مقلي *طبعا في ناس هيك بتحبها*
*وعلى فكرة لازم تكون شوي سميكة يعني مو متل الشوربة مريقة*

*(((((وان شا الله الف صحة وعافية*)))))

####ان شا الله تعجبكم####

((((لكن تحياتي واحترامي))))

شكرا لك اختي بريق الماس على مرورك

تشكري اختي ام نبيل لمرورك

طبق لذيذ أكيد المطبخ الشامي معروف بنكهاته الخاصة

مممممممممممممممممم

شكرا لك اختي ام ياسين على مرورك الطيب
تحياتي لك