حياكـ الله في هذي الحملة نبغى منك حمآس وتحطين يدك بيدي

حياكـ الله في هذي الحملة نبغى منك حمآس وتحطين يدك بيدي
وننظف أجهزتنا ..

اختي..

خليني اليوم أتكلم بكلام ملؤه الـــحب .. كلام من قلبيــ ......

لعلــــه يصل إلى قلبـكِـ ..

تدرين فيه فيروسات منتشره في أجهزتنا ..

حتى لو انتي مركبه كاسبر سكاي .. ولا نورتن انتي فايروس .. نود ..
ما تنفع هذي كللللها ..

الفيروس اللي بقول لك عليه ما تحاربه هذي البرامج .. وهو منتشر
بشكل فظيييع ..

ويخرب أشياء أكثر من هارديسك وبيانات ..

يدخل كل انواع الاجهزة وكل الانظمة ..

يدخل بدون ما تحسين .. لانه يدخل بالتدريج .. خطوة خطوة ..

الموضوع مهم يا حبيبتي

.. ابغاك تنتبهين معي علشان تعرفين من وين يجيك هالفايروس ؟..
وتسدين الثغرة اللي عندك ..

وتتخلصين منه من البدايه ..

بداية دخوله تختلف من شخص لشخص .. بس هو يدخل بزلة منك ..
.
.

أوضح لك أكثر ..
.
.
يعني ممكن تتصفحين موقع فيه صور خليعه وتنظرين لها .. وتستنكرين المناظر ..

بس بكره لما تدخلين تكون عادي شوي وممكن تحفظين وحده منهم
على جهازك ..<< الآن دخل الفيروس ..

أو يمكن من مقطع فيه موسيقى أو شيء من أغنيه .. أو مسرحية ساقطة ..

يعني بعد الصورة بتحفظين صوررر .. وبعدها بتحفظين أغاني .. وبعدها مقاطع فيديو .. وهكذا خطوات الشيطان ..

والفيروس ينتشر طبعا هو ما يعمل على جهازك ولا يخربه ..

لكن هو ينتقل مباشرة إلى قلبك ويلهيك عن الذكر ..

يبعدك عن ربُـًـًـًـًـًـًـًـًـًك .. عن القــ~ــرآن ..

يخليك تأخرين الصلاة ..

تهملين أوامر أمك ..

ما تنتبهين لدراستك ..

ويغضب عليك ربك ..

تخيلي بس في موقع من المواقع حطيتي صورتك الشخصية أو
توقيعك صورة بنت فاتنه ..

انتي ما صورتيها ولا الصورة صورتك انتي الحقيقية ..

لكن كتبتي شيء وطلعت هالصورة وشافها شاب مسلم .. وفتحت
له باب شيطان .. ووقف لحظة يناظر ويتأمل ..

سيئات تكتب عليه وعليك ..

بعد هالصورة هو راح وفتح صفحات ثانية يدور صور على شاكلة
هالصورة ويشوف وش الأحلى ؟..

يمكن يحفظها في جهازه وينزلها في موقع ثاني ..

وكل صورة يشوفها تنكتب سيئات عليه وعليك .. وتخيلي كم من
أمة محمد بيطالع هالصورة ..

يمكن تجره إلى مزلق من مزالق الشيطان يمكن يقع في كبيره من
الكبائر ..

ويجي يوم القيامه يقول ياربي انا كنت في حالي بس البنات يحطون
صور تثيرني .. يا ربي فلانه هي السبب ..

يقول الله تعالى : " ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون"

يعني غير ذنوبك بتحملين ذنوب غيرك .. وبغير علم يعني انتي
ما تدرين ولا تحسين .. يالله ترحمنا بس ..

~~~

حبيبتي ..

ستوب .. فكري ..

حبيبتي .. لا تتهاونين ..
قليل الشر يجلب من الشر الكثير ..
وقليل الخير يجلب من الخير أكثر ..

تخيلي لو بدلتي صورتك الشخصية أو توقيعك بعبارة لا إله إلا الله ..
أو استغفر الله .. أو دعاء أو حديث ..
كل واحد قرأها كتب لك حسنة والحسنة بعشر أمثالها [ والله يضاعف
لمن يشاء ] ..

تخيلي لو نزلتي رابط أغنية .. كم واحد بيسمعها ؟؟..
كم ذنب راح تحملين ؟؟..
كم ظلمه بتعلو وجهك ؟؟.. الذنوب لها ظلمه في الوجه والله ..

تخيلي لو نزلتي رابط فيه محاضرة .. أو صوت قارئ يقرأ القرآن ..
سمعها الناس في المشرق والمغرب ..
وكتب لك بكل حرف حسنة والحسنة بعشر أمثالها [والله يضاعف لمن يشاء] .. الله أكبر ..

تخيلي كنتي سبب هداية انسان لاهي ..
جاء عنه صلى الله عليه وسلم والله ( لأن يهدي الله بك رجلا واحدا
خير لك من حمر النعم ) ..

خير لك من قصور الدنيا .. خير لك من صفقات أسهم .. خير لك
من أطقم ألماس .. أجر وثواب من عند الله ..
وتذكري [الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ] ..

هذي اللي بتبقى لكـ .. بتنفعك لو ضاقت عليك الدنيا ورفعتي يديك لربك ..
قالت الملائكة : يا رب هذا عبد صالح ..
عملك يشفع لكـ ..

بتنفعك في ظلمة قبرك وتجعله روضه من رياض الجنة ..
ما تدرين يمكن أهل القبور أسعد من أهل القصور .. بسبب

أعمالهم الصالحة ..

هذي اللي بتنفعك يوم المحشر يوم تنزل الشمس عند راسك ..
هذي اللي بتنفعك يوم تعبرين الصراط بتنور
لك دربك .

.
هذي اللي بتعيشك اسعد عيشه في ظل عرش الرحمن ..
حياة خالده ..

ما تخسرين لو ادخرتي في الباقية ..

ويمكن تخسرين لو ادخرتي في الفانية .. مثل ما طاح اقتصاد العالم
وكلنا نشوف ..
وين هالمليارات والمشاريع اللي توقفت ..

حياكـ الله في هذي الحملة نبغى منك حمآس وتحطين يدك بيدي 10img106188c73989

اختى الغالية ام مى جزاك الله خيرا ونفع بك

وربى يجنبنا واياك تلك الفيروسات الخبيثة ويبعدنا عن كل يلهينا عن عبادته

ربى يكتب لك الاجر الوفير ويرزقك خيرى الدنيا والاخرة

تقبليـــ مروريـــ

يا غالية

سلمت لنا يداك

دائما ماتاتى بكل ماهو جميل ومفيد

لا حرمنا الله من طلتك ابدااااااااااااا
ام مي
جزاك الله خير

الغاليات ام ملك

جوجو

ام عليا

يسلملي وجودكم يارب

الله لا يحرمني من طلتكم الرائعة

دائما تسعدوني بوجودكم يالغاليات

عطرتوا صفحتي بوجودكم

» الحملة التوعوية بسرطآن الثدي " الحملة الوردية "
» صممته بيدي
» (خذ بيدي الي الجنة اكون لك كما تتمني )
» الحملة الرسمية لمقاطعة المسلسلات الرمضانية
» ضعي يديك بيدي لنحيا حيـــاة السعــــداء