قصص تُسكب العبرات فى انتقاب الأخوات ^^^^^^^^^^^^^^^^^^^إحدى الأخوات قالت :
رغم إن أمي زي أي أم كانت أكيد خايفة عليَّ من النقاب ، إلا إن ربنا أكرمني لقيتها جاية مرة تقولي : بجد انت عملتي المقدرتش اعمله و كان نفسي اعمله من زمان..
أخت تانية وده لسه حاصل النهاردة والأخت بشرتنا بيه :
الموضوع
بدأ عندما بدأت تلك الفتنة الأخيرة ،واتمنع المنتقبات من دخول المدينة
الجامعية وبما إني بادرس بجامعة ليست فى بلدى واسكن بالمدينة الجامعية
فبالتالى فأنا من الممنوعات من دخول المدينةوعندما علمت امى بذلك الخبر ثارت عليا جدا وطلبت منى خلع النقاب مثلى مثل بنات كثيرات تنازلن عن نقابهن لاجل دخول المدينةولكنى بفضل الله لم ارضخ لها وصبرت واستعنت بالله ولم اذهب الى كليتى وجلست فى البيتوقلت
اذاكر واجيب المحاضرات فى البيت ذهبت امبارح للكلية لاحضار الكتب ومثل هذه
الامور وبعد عودتى ثارت امى عليا ثانية وظلت تعنفنى لم اتكلم ولم اعلقوكانت المفاجأة اليوم صباحا قالت لىانا جيت عليكى وضغطت عليكى كتير اعملى اللى انتى عايزاه وانا كمان قررت البس النقاب قومى هاتى لى نقاب دلوقتىلم اتمالك نفسى من البكاء والفرحة بهذا الخبرسبحان الملك القدير سبحان مقلب القلوبرب اغفر لى ولوالديا وارحم ابى رحمة واسعة اللهم امييييييييييييييييين أخت تالتة بتقول :
أنا لبست النقاب يوم 17/1/2007 رغم انه بالنسبالي و بالنسبة للناس كلها
كان موضوع غير متوقع نهائي. أنا أصلا للأسف لبست الحجاب متأخر جدا و أنا في
سنه تانية جامعة و طبعا كان حجاب مودرن من اللي عليه بنطلون و نص شعري
باين (اللهم اغفر لي ما مضي و اعصمني في ما بقي) و
قبل ما ادخل سنه تالته كنا بندهن الشقة فاتحبست في الصاله مع المكتبة
بتاعتا. أنا كان معظم الكتب اللي بقرأها روايات بس الحبسة دي خلتني أقرأ
كتاب نساء النبي للدكتورة بنت الشاطئ و بدون مقدمات قررت البس خمار و فعلا
نزلت و اشتريته و قبل ما البسه قلت انزل أودع لبسي القديم الأول و نزلت
لابسه بنطلون و بلوزه و حاطه ميكب. انتوا
عارفين ألاعيب الشيطان طبعا لقين نفسي شيلت فكره الخمار من دماغي و سبته
في الدولاب و بعد سنه كامله كنت في يوم لوحدي في البيت وقررت البسه و فعلا
لبسته و نزلت و بعد فتره اشتغلت حاجه كده شبه مرشدة سياحية فبقيت البس طرحه
كبيره بدل الخمار .
مكنتش في الوقت ده بفكر في النقاب غير بعد ما اتجوز نظام بقي هبقي شبعت من الدنيا و كده (حاليا انا مش متخيله كنت بفكر كده ازاي)
و
سبحان الله بعد 3 سنين كنت بشتغل مديرة تصدير في شركة و تعاملي كله مع
أجانب و مفيش أي حاجه ممكن تشجعني علي لبس النقاب بس سبحان الله لقيت
الفكره جت في دماغي و كل ما أشوف واحدة منتقب ألاقي نفسي بحسدها أوي و حاسه
إنها مستورة و بترضي ربنا فالحمد
لله لبست ملحفه بس كان القرار بالنسبة لموضوعي صعب لأن والدي كان رافض
لفكرة النقاب دي نهائي كان بيقول لي البسي اللي انتي عايزاه إلا النقاب و
مفيش حد عندنا في العائلة لابسه و طبعا في الشغل هيبقي لازم اسيبه فصليت
استخارة ولقيت ربنا شرح صدري للموضوع جدا فنزلت اشتريت النقاب و دخلت
للمدير بتاعي في الشغل و قلت له انا هسيب الشغل علشان هلبس النقاب و فوجئت
انه بيقول لي البسية و خليكي في الشغل فرحت أوي وحسيت ان ربنا ميسر لي
الأمور
بس المواجهة الصعبه كانت مع بابا كان يوم جمعه قبل الصلاة و قاعدين بنفطر وأول ما قلت له هلبس النقاب قال لا .
قلت له طب اتناقش معايا قال لا طبعا لما تتجوزي اعملي اللي انتي عايزاه.
قلت له يعني انزل المسجد اعمل اعلان اني عايزه عريس يسيبني البس النقاب ؟؟؟
وفضلت ازن عليه و هو نازل يصلي لغايه ما قال لي طب انا هسئل شيخ المسجد لو قال لي فرض هسيبك تلبسية.
فسأله والشيخ الله يرضى عنه قاله كلام جمييييييييييل ,,
قاله
انت تكره ان بنتك تكون بتتشبه بأمهات المؤمنات ؟؟ الرسول قال : مَن تشبه بقوم فهو منهم " ,, تكره لبنتك خير كبير زي ده ؟؟؟حتى لو انت مش مقتنع بفرضيته فعلى الأقل محدش يقدر ينكر انه فى السنه قالوا طيب يا عم الشيخ ليه ربنا منع المرأه انها تلبس نقاب فى الحج ؟؟
فضحك الشيخ وقال له :
طيب ما ربنا منع الرجل يلبس الثياب المخيط ,, هل معنى هذا ان اللبس المخيط
حرام ؟ او ان اللبس غير المخيط فرض طالما ربنا امر بيه الرجلطلع والدى من المسجد وقال لى انا هسيبك تتشبهي بأمهات المؤمنات بس بشرط تدعيلى و متنسنيش يوم ما تبقي معاهم .
( والله ربنا كريم )
يا كل أخت سمعاني :::
إوعي يقينك يهتز ، اوعي رجلك تميل وتتغرس تاني في الوحل ، اوعي تضعفي مهما كان زلزال البلاء."
أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ
الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ
وَزُلْزِلُوا حَتَّى يَقُولَ الرَّسُولُ وَالَّذِينَ آَمَنُوا مَعَهُ
مَتَى نَصْرُ اللَّهِ أَلَا إِنَّ نَصْرَ اللَّهِ قَرِيبٌ "مستفاد من درس
_ كيف انزعه ؟ _ لفضيلة الشيخ
هاني حلمي 
الإثنين أبريل 23, 2012 11:40 pm
