السلام عليكم و رحمة الله و بركاته
كل سنة و انتم طيبين
بالبيت المغربي..المسمن أو (( الرغايف ))
وصفة مابنستغني عنها بفطور العيد
أو بايام العطل لما يكون بدنا نفطر على رواق
الطريقة سهلة جدا و حأشرح كل شيء بالصور
بسم الله نبتدي
الطريقة:المقادير
نصف كيلو دقيق
250 غرام أي ربع كيلو سميد
ملعقة صغيرة من الملح
ملعقة صغيرة من الخميرة
و مية دافية نعجن فيها العجينة
200 غرام زبدة ( حنسيحها قبل ما نشتغل فيها)
كأس صغير زيت
و 100 غرام تقريبا سميد كمان حنتركهم نشتغل فيهم بعدين
طريقة التحضير:
نخلط الدقيق بالسميد ونضيف عليهم الملح و الخميرة
و بشوية من الماء الدافئ بنخلط الكل للحصول على عجينة رطبة ناعمة
بنزيت العجينة بشوية من الزيت
نتركها ترتاح دقيقتين او تلات عشان تسهل علينا عملية القطع و التمديد بعد هيك
بعد هالدقيقتين بنقطع العجينة لـ كور صغيرة زي ما انتو شايفين
و بمددها كويس بإيدي بشوية زيت .. بس بدير بالي لاقطع العجينة خلال عملية التمديد
بطليها بالزيت وبـ الزبدة السايحة
و بطويها اول طوية المفرودة زي ما انتو شايفين
و برش عليها السميد والزبدة والزيت
بنطويها كمان طوية لنص العجينة الباقية و هيك بتصير زي المستطيلة وبرش السميد والزبدة والزيت
بنعمل هيك كمان بالجوانب الفاضلة معنا
طوية شمال وبرش السميد والزبدة والزيت
و طوية يمين وبرش السميد والزبدة والزيت
والنتيجة بنكون حصلنا على عجينة مربعة باربع زوايا قائمة
بنكمل هيك لا تخلص كل العجينة اللي عندنا
و نبتدي نسويهم و نخبزهم على المقلاية
و نقلبهم عالوجهين ليحمرو كويس بس من غير مايحترقو معانا
وهيك بكون شكلهم النهائي
ندهن الرغيفة بشوية عسل
او بجبنة كيري
زي ما تحب تاكلها مالحة او محلاية بعسل
و بينشرب معه أتاي بالنعناع ( الشاي )
الف صحة و عافية يارب
الخميس يوليو 28, 2011 12:11 pm
