الحـال واحـد والبقـا فـي حيـاتـك
الموج ما يروي ضما الساحل الجـدب
والبرق ساري والمطـر فـي سراتـك
وجوريك الراوي وسط روضك الخصب
كم داعبه قطـر النـدى فـي مباتـك
وأنا وصلت أرضك وأنا موقفي صعبلا تظلمينـي والعـدل مـن صفـاتـك ما جيت عدواني ولا جيت لـك حـرب
جيتـك وأنـا ذاتـي معلـق بـذاتـك
أنـا بديتـك حـب يـا أول الــدربوشلـون تبـدي بالجفـا يـا قسـاتـك أنتي رسالة بنت حـوا إلـى الغـرب
في حشمتك فـي رقتـك فـي عباتـك
لا تقلبي حلمك علـي شيطنـة صـرب
مليت مـن صمتـك وثـورة سكاتـك
اللي تعود فالهـوى يعشـق الصعـب
مـا حسـب لعنـدك وجمـرة شفاتـك
كلٍ يريـد المغفـره لا ارتكـب ذنـب
وأنتـي بقلبـي مـن يسـوي سواتـك
لا تسمعـي العـاذل ونقالـة الـكـذب
وش طـال هـراج القفـا مـن ثباتـك
غيري يغرد فالهوى خـارج السـرب
وأنـا حبيبـك ، ماضيـك ، ذكرياتـك
ذوقي تعـدا مرحلـة ريقـك العـذب
واجتـاز ملحـك ليـن سكـر نباتـك
أنا شربتك يالغضـي فالهـوى شـرب
وارويت قلبـي مـن لهايـب لهاتـك
بعيـش معـك آخـر نهايـات للحـب
وألملـم جروحـي وباقـي شتـاتـك
وأدون أجمل ذكرياتي علـى السحـب
واسقي بقلبـي مـن مطرهـا غلاتـك