أكثروا من ذكر هادم اللذات

جاني وانا في وسط ربعي وناسي *** جاني نشلني مثل ما ينشل النـــاس
مني نشل روح تشيل المآســـــــي *** تشكي من ايام الشقى تشكي اليـاس
اثر الالم في سكره المـــوت قاسي *** ماهالني مثله وانا انسان حـــساس
جابوا كفن ابيض مقاسه مقاســــي*** ولفوا به الجسم المحنط مع الـراس
وشالوني اربع بالنعش ومتواســي *** عليه ومغطى على جسمي البـــاس
وصلوا علي وكلــــــهم في مــآسي *** ربعي ومعهم ناس من كل الاجناس
ياكيف سوا عقبنا تاج راســــــــي *** وامي الحبيبه وش سوى بها الياس
اسمع صدى صوت يهز الرواسي *** قولولها لاتلطـــم الخــد ياناس
قولولها حق وتجرعت كاســـــــي*** لاتحترق كل يبي يجرع الكـــــاس
اصبحت في قبري ولابه مواسي*** واسمع قريع نعولهم يوم تـــــنداس
من يوم قــــــفوا حل موثق لباسي*** وعلى رد الروح صوت بالاجراس
هـيكل غريب وقال ليه التــــــناسي*** صوته رهيب وخلفه اثنين حـــراس
وقف وقال ان كنــت يانـمر نـاسي *** هاذي هي اعمالك تقدم بكـــــراس
ومن هول ماشفته وقف شعر راسـي *** وانهارت اعصابي ولاارد الانـفاس

أكثروا من ذكر هادم اللذات

صح لسانك ياقمر كل كلمة في محلها

يسلم يمينك يارب

سلمت يمينك ياغالية
شكرا لمرووورك
الكريم

ام مي
جعلك الله من اهل الفردوس

ابنتى الجوهرة

صح لسانك حبيتى

اللهم امتنا ونحن لك مسلمين
واغسلنا بالماء والثلج والبرد
ونقنا كما ينقى الثوب الابيض من الدنس
بوركتى بحفظ الرحمن

» هادم اللذات ومفرق الجماعات مقطع صوتي لعدد من المشايخ