الحمدلله حياتي أصبحت كاملة والفضل يرجع لله ثم للخمسة اللي بالداخل (ماراح تندمون)

السلام عليكم ورحمة الله وبركاته

كيفكم ياحريم ويابنات
اشكر كل عضوة ساهمت في هذا المنتدى بالكلمة الطيبة والنصيحة السديدة والمواضيع المفيدة

بأختصر موضوعي بالرغم من طولة لعل الله يجعلة أجرا لي في تيسير آموري وصدقة جارية بعد وفاتي ..
(رجااااااااااااااااااء لا احد يكتب رد إلا بعد ما انتهي عشان يكون موضوع متواصل ومتكامل رجاااااااااااااااء بنات لاتقطعون موضوعي)

نبدأ
بسم الله الرحمن الرحيم
حنتكلم في الجزء الأول .. عن الناحية الدينية
الجزء الثاني .. الناحية النفسية
الجز الثالث .. علاقة الزوجة بزوجها
الجزء الرابع.. الآهتمام بالمنزل وأختصار الجهد والوقت
الجزء الخامس .. الآهتمام بالبشرة والشعر
وكلها عن تجارب في نفسي ..

الجــــــــــــــــــــــــــز ء الآول .. (الناحية الدينية )
قبل أن تقرائي أحضري دفتر وقلم
ان كانت الاجابة نعم ضعي صح ان كانت لا ضعي خطأ
1-الواجبات ( الصلاة _ الصوم _قراءة القران )
تأملي حالك هل تصلي صلاتك في وقتها , هل تقرأئي القران يوميا حتى ان كانت صفحة في اليوم ؟ ان كانت الاجابة نعم ضعي صح ان كانت لا ضعي خطأ

2-السنن (صلاة الضحى _ قيام الليل_الوتر _الاستغفار آو التسبيح_الصدقة )
3-هل تقومي لصلاة الضحى ؟
4- هل تقومي لصلاة للقيام ؟
5- هل تقومي لصلاة الوتر؟
6- هل تستغفري أو تذكري الله ؟؟
7-هل تتصدقي؟؟
فوائد الصلاة .. قبل فوائدها اصلا هيا واجبة غصب عنك تصليها واهم فايدها انك لو ماصلتيها على نار جهنم اعوذ بالله وغير كذا اكثر شيء يستجاب فية الدعاء وانتي ساجدة
فوائد الصيام.. ايضا واجبة وسوي بحث وشوفي ياكثر فوايدها
فوائد قراء القران..نور للوجة +راحة البال+ والله كنت اقرأ القران بكثرة ورحت عند اهلي اختي قالت ايش الخلطات اللي تحطيها قوللي جلست اضحك قلت موية ورد وجتني اختي الثانية قالت
ايش البياض هذا والاهتمام قلت ما احط شي واختي تقولي ايش خدودك حمراء ورحت بيتي وافكر مع نفسي قلت موية الورد دائما احطها وتذكرت القران كنت اقراه بكثرة كنت ابغى احفظو
فوائد صلاة الضحى .. اذا ماتقدري تتصدقي كل يوم بصلاة الضحى تتصدقي عن كل عضو في جسمك.
فوائد قيام الليل..عاد هذة فايدتها عظيمة ويكفي ربي ينزل للسماء السابعة ويسمعك وانتي تناجية ماتبغي ربي يكون قريب منك قومي الليل وادعي
فوائد الاستغفار والصلاة على النبي .. فوايدها ماتعد ولاتحصى
3- نصيحة من أخت واقولها لكم اتركي سماع الاغاني والغيبة والله ثم والله وبإذن الله راح تستجاب دعوتك عاجل ان شاء الله
تجربتي مع قيام الليل واوالألتزام بالاستغفار وقراءة القران ..
السبب الآول لألتزامي للاستغفار هو الظلم الذي وقع علي من آعز الناس وآتهامهم لي بالقذف والطعن في شرفي
ولكن كل يوم يدقوني بالكلام اقرب الناس لي وذلوني ذل الحمدلله على نعمة النسيان
بأختصار شديد لقصتي اللي اصابني من الهم والاتهام هذا قرحة في معدتي وعدم النوم وايضا معي اختي اتهمت اصابها الشيب أعوذ بالله من الهم
لزمت الاستغفار طول يومي والصلاة على النبي والزمت القران آقرأ أقرأ ماوقف اصلي وارجع اكمل يومي استغفار وقراءة القران حتى لاحظت خروج لعاب من فمي اثناء القراءة
واستغربت لان ماكان لعاب العادي ما ابغى اقرفكم مثل زبد البحر قلت يمكن من العين ماكنت ادري اني مسحورة الموهم وقمت قيام الليل ولمدة تقريبا اسبوع وانا على هذا الحال وكنت ابكي في القيام وادعي ربي واتذلل
وإلا المفأجأة جاني اللي ظلمني وقالي سامحيني وانا سامحتة على طول الحمدلله اللي اظهر برائتي كنت ادعي ربي يظهر برائتي
فشفتم كيف اللي يلزم القران واللاستغفار والقيام ربي يحقق له أمنيتة في مدة بسيطة
تجربتي الثانية كنت اريد اتزوج والزمت االقيام مع سورة البقرة كنت اريد اقرائها 40 يوم والاستغفار من قبل الزمتة من ستة شهور تقريبا
ثم قمت 10 ايام قيام الليل بسورة البقرة وكان عقلي صغير ادعي الله يرزقني جوال ولاب توب واتزوج ووقتها امي اعطتني فلوس اشتري الجوال كان معجزة لان كان ممنوع عندنا
ثم انخطبت وتزوجت وزوجي في الاسبوع الاول من زواجي اشترالي لاب توب J
تجربتي الثالثة في الحمل
نفس الشيء الزمت قيام الليل بدون سورة البقرة والاستغفار وانتظر ساعة الاستجابة الدعاء مثل الساعة الاخيرة من يوم الجمعة بعد الاذان وفي السجود ومامر شهر مدري شهرين والا احمل
الحمدلله يارب لك المنة والفضل
نحن بني ادم مانعرف الله الا وقت الشدة يعني بعد ماييحقق الله الامنية نوقف الاستغفار والقيام وانا هنا اتكلم عن نفسي والله لما ابغى امنية تحقق لي واريد اطلب الله استحي مررررررة ما اجي الله الا وقت الشدة
عشان كذا بلزم القيام والاستغفار بدون سبب ولا امنية
وبكذا انتهينا من الناحية الدينية ويارب أعنا على طاعتك ..
يتبع لا أحد يرد

الجـــــــــــــــــــــــــــ ــــــــزء الثاني .. الحالة النفسية

وهذا الجزء المهم الذي يترتب علية جميع النواحي ان كانت حالتك النفسية عال العال ومرتاحة بتتحسن بشرتك وشعرك تتحسن علاقتك مع زوجك وابنائك والاخرين
فركزي على حاالتك النفسية ..
كيف تحسني حالتك النفسية وهذة عن تجربة مريت فيها ..

1-الابتعاد عن الصراخ وعن الكلمات اللي تجيب الهم مثال( عذبتوني _ مليت _الله ينتقم منكم _ومن هذة الالفاظ)

2-امسكي اعصابك وقت النقاش والغضب ووصى الرسول صلى الله علية وسلم وقال في معنى الحديث لاتغضب وكررها ثلاث

3-تتغافلي عن الأخطاء كأنك ماشفتيها مثال( بنتك شخبطت في الجدار واكتشفتيها سوي نفسك ماشفتيها _

4-تتفاااااااااائلي وهذة النقطة مهمة جدااا ووصى عليها النبي صلي الله علية وسلم قولة صلى الله علية وسلم تفائلو بالخير تجدوة

5-قراءة الكتب اللي تخص الحالة النفسية اقرأو للدكتور ابراهيم الفقي رحمه الله دوري كتبة في النت وغيرة من الاخصائين النفسين

6-رددي الكلمات اللي فيها تفاؤل مثال (أنا سعيدة _ شكلي حلو _أحس حالي تحسن _كأن بشرتي فتحت ومن هالكلمات اللي ترفع المعنويات

7-نصيحه احظني عيالك الحضن له فوائد كبيرة لك ولعيالك وايضا احضني زوجك حتى لو علاقتكم مو ذاك الزود عادي احضنية بقوة حتى لو تكرهية او انو خاين ماعلية احضنية مو عشانة عشانك انتي تعدلي من نفسيتك
واحضني امك (ضم من تحبة الى صدرك نحن نحتاج الى 4 ضمات مملؤءة بالحب للبقاء و8 ضمات لصيانة كيان الاسرة و12ضمة للنمو) عاد شكل اليوم كلة ضم في ضم J

8-ارمي كل الذكريات السيئة اكتبي كل موقف جارح سواء من زوجك او من أي شخص او مر عليك وسببلك عقدة نفسية اكتبي الموقف في ورقة بكل تفاصيلها وبعد ماتخرجي كل اللي في نفسك في الورقة اتجهي للمطبخ واحرقية
بالنار وطالعي فية حتى تشوفي الورقة بح ماتت راح تنسي الموقف بكل سهولة هذة الطريقة من علماء النفس والمختصين والاستشارين وانا عملت دي الطريقة
جمعت كل الرسائل الشينة اللي كنت اكتبها لما زوجي يعذبني وافضفض الموهم نويت ابدأ من اليوم حياة جديدة وانا ارتب لقيت الاوراق وحرقتها
طبقيها هذة الخطوات وشوفي كيف راح تتحسني ..

كنت أقرأ كتب عن الذات وتعديل المزاج وأي نقطة حلوة اكتبها في ورقة لكن انصحكم تخصصي دفتر حلو وتكتبي كل كلمة تعجبك اوجملة حلوة وترفع المعنويات وفيها تفاؤل
وهذة من بعض ماقرأت من الكتب ..
قوة التحكم في الذات للدكتور ابراهيم الفقي رحمة الله
أحب عملي جدا _أنا أنسان ممتاز_أنا صبور ة جدا وذاكرتي ممتازة _كل يوم وفي كل شيء حياتي تتحسن من أحسن الى احسن
يقول الدكتور هلمستر .. إن ماتصفه في ذهنك سواء كان سلبيا أو إجابيا ستجنية في النهاية (الرسول صلى الله علية وسلم قالها تفائلو بالخير تجدوة )
فية ثلاث انواع للتحدث مع الذات ..
المستوى الاول .. الارهابي الداخلي .. مثال أنا فاشلة
المستوى الثاني.. كلمة ولكن السلبية .. أريد أنقاص وزني ولكن !!
المستوى الثالث.. أنا ذكية أنا ممتازة
راقب افكارك لأنها ستصبح افعالا
راقب افعالك لانها ستصبح عادات
راقب عادتك لأنها ستصبح طباعا
راقب طباعك لأنها ستحدد مصيرك
العواطف ..
ثلاث قواعد رئيسية يمكنك عن طريقها أن تتحكم في الاحاسيس السلبية وتغيرها ..
1-تحركات الجسم ..لابد ان تقف وترفع اكتافك وراسك للاعلى ويتنفس بعمق ويقول انا سعيد فسوف يتحسن كثيرا
2-تعبيرات الوجة..لابد من الابتسامة لكي ينخفض مستوى الادرينالين في الجسم ويرتفع مستوى الاندورفين ويسبب شعورك بالسعادة اكثروتوتر أقل
3-الثمثيل الداخلي .. (سامحوني بنات ماكتبتها شكلي انشغلت ونسيت اكتب الخطوة الاخيرة )

كتاب للدكتور عائض القرني
يقول فية ..
لا... تذكر مصيبة مرت أو كارثة أو خطأ حصل
لا..لضياع الأوقات مع الفارغين وإنفاق الساعات في اللهو
ارحمي الضعفاء تسعدي واعطي المحتاجين تشافي ولاتحملي البغضا تعافي
لاتظني بأن الدنيا كملت لأحد فليس على ظهر الارض من حصل له كل مطلوب وسلم من أي كدر
دعي الخلق للخالق والحاسد للموت والعدو للنسيان
تفائلي ولو كنتي في عين العاصفة
عسى الهم الذي امسيت فية .. يكون وراءه فرج قريب
سيعافى المريض بعد سقام .. ويعود الغريب بعد غياب
ولست أرى السعاده جمع مال .. ولكن التقي هو السعيد
هذا الكلام مدري من فين اخذتة بس اعتقد لابراهيم الفقي ..
حتى يكون لدينا نظرة سليمة تجاة الاشياء يجيب علينا أن نتفادى السلبيات الخمس ..
1-اللوم .. عندما تلوم الاخرين والظروف والمواقف فإنك بذلك تعطيهم القوة لقهرك فيجب عليك أن تتوقف عن لوم الاخرين وأن تتحمل مسؤلية حياتك
2- المقارنة ..قار بين حياتك الحالية والمستقبلية بدلا من مقارنتك بينك وبين الاخرين .. أبدأ بتحسين ظروف حياتك (كلامة سليم مية بالمية كنت اقارن بيني وبين اخوات زوجي وذبحت زوجي شوف ملابسنا وش ملابسهم انا ماعندي جوال مثلهم وهم بالالاف جوالاتهم كرهني وكرة عيشتي وسار يقولي احسن انا ابغاكي اذل وحدة فيهم من كثر مازينت فوق راسة
3- العيشة مع الماضي .. اذاكنت تعيش مع الماضي ستكون حياتك نفس حياتك في الحاضر والمستقبل والعيشة مع الماضي اساس الفشل
ان الماضي انتهى الى الابد فقط نتعلم منة ونستفيد من الدورس التي مرت بنا (لايتساوى الماضي مع المستقبل)
4-النقد..قبل أن نتوجة بالنقد على الاخرين توقف لحظة !!وتذكر أن نقدك ربما يولد بينك وبين الاخرين احاسيس سلبية
بعمق وقوم بالعد العكسي 10-9-8-7الى 1
البرمجة الغوية العصبيةN.L.P مولد السلوك الجديد .. هو الذي يمكنك استعماله لأحداث أي تغيرات في سلوكك
1-أختر مكانا هادئا لمدة 30 دقيقة ع الاقل يعني نص ساعة
2-فكر في سلوك ليس عندك ولكنك تتمنى ان يكون لديك هذا السلوك مثل الجرأة الثقة بالنفس
3-تنفس بأنتظام وفكر في احد الاشخاص الذين يحوذون اعجابك ممن تعتقد ان لدية هذا السلوك او تخيل أي شخص
4-اغمض عينيك وتخيل أن امامك حاجزا شفافا يمكنك الرؤية من خلالة
5-تخيل أن ترى الشخص الذي في ذهنك من خلال هذا الحاجز الشفاف وقم بملاحظة مايفعلة وكيف يتكلم وكيف يتنفس ولاحظ ايضا تعابير وجهة وتحركات جسمة
6-تخيل ان جزء منك سابح في الهواء , متخطي الحاجز الشفاف لتقف جنب ذالك الشخص حتى تتعلم الطريقة التي يتصرف بها
7-تخيل الجزء السابح منك يحل محل الشخص الذي تعتبرة نموذجا وان الجزء اصبح يمتلك كل ماتحتاجة للسلوك الجديد لدرجة انك تشعر انك مقتنع به تماما
8-عندما تكون راضيا تمام عن السلوك الجديد الذي أكتسبتة ارجع للحاجز ببطء وافتح عينيك
9-إذا قمت بعمل هذا التمرين بطريقة دقيقة بكل احساسك تكون قد نجحت في تجربة مولد السلوك الجديد وتكون قد استعطت تغير السلوك السلبي الى سلوك جديد
يتبع لا احد يرد

الجــــــــــــــــــزء الثالث .. علاقة الزوجة بالزوج

موعارفة في هذا الجزء من فين ابدأ او عن ايش اتكلم
تبغي علاقتك مع زوجك تتصلح اتبعي النقاط هذة لاني مريت فيها وعن تجربة

1-عندك أي مشكلة مهما كانت خطورتها لااااااااااااااااااااااااااااا ا تستشيري آحد وآهم شيء لاتكتبي مشكلتك لبنات حواء نصيحة من آخت مجربة آلجي لربك فقط
لأن ربك الوحيد اللي بيخلصك من المشكلة ويدلك على الطريق الصحيح لأن ممكن آنا اعطيك رائي ناسبني مع زوجك وتطبقية انتي مع زوجك يجبلك نتيجة سلبية هذة اهم نقطة

2-اذا اصلحتي علاقتك مع ربك وطبقتي الناحية الدينية واصلحتي نفسك من الناحية النفسية وباقي النواحي صدقيني راح تتصلح علاقتك مع زوجك صدقيني بس خلي ارادتك قوية

3-لاتفتشي جوال زوجك راااااااااااح تتعبي مثل ماتعبت والحمدلله تركت التفتيش والتلصص وارتحت ما ابغى اعرف ايش رسل ولا مين رسلة وخاصة اللي زوجها يخونها ريحي بالك واهتمي بنفسك
صدقيني راح يجيك ويرجعلك يوم يحس انك ثقيلة وماعاد تختلقي المشاكل وتعدلتي كثيير

4-الابتساااااااااااااااااااااااا ااامة وما ادراكي ما الابتسامة حتى بالكذب ابتسمي الرجل مهما كان شرقي غربي شمالي جنوبي يحب المرأة المبتسمة مريت بتجربة يالله تدهورت حالتنا المادية وسارت حياتي نكد
وزوجي هو مصدر النكد وماكنت اضحك ولا ابتسم وهو يقول اضحكي اشبك نكد وانا اقول شوف الحال اللي احنا فية وانت السبب وتبغاني اضحك وسار يقولي يانكدية ابغى وحدة فرفوشة
وسار يجيبلي سيرة الزواج وبتزوج وبتزوج وجبلي سيرة وحدة اهلو يقولو انها فرفوشة قال شوفي فلانة فرفوشة وضحوكة قلت أي ضحوكة بس سمرة وانت تقول ابغى بيضاء قال عادي لو اخذ عبدة اهم شيء تضحك
يعني لابياضي ولاجمالي يهمة شوفتوا كيف الابتسامة مهمة

5-تبغية يحب عيالك .. لاتشتكين منهم قدامة لاتقولي شوف فلان جنني شوف علانة تخرب وتصارخي ترى ماراح يتحملهم لاني كنت اقولوا كذا وكان يتنرفز ويضرب بنتي حتى على اتفة سبب
لما تسوي شقاوة أجلس امثل علية واضحك عليها واقول شووف تضحك وهو يضحك ولما تصرخ بنتي يؤيؤيؤة اتنرفز بس امثل اني اضحك وهو يقول وش فيها كذا
لأن لو عصبتي عليها بيقوم يضربها وماراح يجلس في البيت بسبب الضجة بس خذي الامور ببساطة

6-لو اطفالك مزعجين وصغار وماتقدري تحطيهم في غرفة لاتعطيهم رضاعة حتى زوجك يجي عشان ينشغلو بالرضاعة ويهدأو وممكن تعطيهم بطاطس او أي شيء ياكلوة

7- لاتتكلمي عن أي شخص عند زوجك هذة نصيحة ذبحتكم من كثر هذة نصيحة خخخخ لاني مريت بهذة التجارب اللي كانت سبب تعاستي مع زوجي لاتتكلمي لا بالطيب ولا الباطل
كنت امدح سلفتي اقول طيبة سولفنا كدا وكدا وافرط الشريط زي الاطفال فهو سار يقولي يالله نكلم فلان يجي معانا يقصد اخوة وزوجتة يقول طيبة ؟؟ انا رسخت في راسة طيبة وامتحني كل ما ابغى اتمشى يقول ناخذهم معانا
اتخذتلي موقف ووقفت هالعادة سرت اقولوا ابغى اشتري اشياء ما ابغاها تعرف وبكذا خلصنا من هالسالفة وكنت اسولف معاه عن أختي اقول سوت وفعلت وقالتلي وهو جاله فضول يبغى يتعرف اكثر عليها
يعني يقول اكيد فلانة يقصد اختي سوت كدا وكدا وكنت امدحها اقول مسكينة فلانة تطبخلي لما اجي هي اختي لسى ماتزوجت ومرة تزاعلنا انا وياة قال شوفي فلانة تطبخ مو مثلك ؟؟؟ ما الومة الوم نفسي لاني انا اللي رسخت في عقلة انها طباخة
الان عدلت كلامي معاه سرت اقول فلانة بس راقدة خخخخخ وماعاد اجيب سيرتها واذا طبخوا اهلي واخذت منهم اكل يقول مين طبخ هذة الاكلة اقول اخواتي ما احدد مين بالضبط
عشان كذا لاتذكري أي شخص لابطيب ولا بالشر عند زوجك

7-لااااااااااااااا تناقشية في امور اهلة ولاتجيبي سيرتهم لا بخير ولاشر مهما سووو فيكي لان في النهاية وبكل تأكيد وكل المجربات بيؤدوني في هذة النقطة انو راح يشوف اهلة هما الصح وانتي الغلط فريحي بالك
من تجاربي اختة اهانتني في بيتهم وتكلمت عليا كله عشان سبب تافهة انا انصدمت وقلت لزوجي هو عصب لان يعرف ان اختة لسانها طويل وراح خاصمها وبعد فترة يكلمها ويمزح معاها ولا علية مني
ماكأني زعلانة منها بس دحين قالوا تبغى تفرق بيننا وانا سويت نفسي طبيعية ورجعت المياة لمجاريها بس سار بينا حاجز مو مثل اول فنصيحة لاتجيبي سيرتهم بشيء لا اعطوني ولا ضربوني J

8-عودية على عطرك المفضل انا غلطت كان عندي عطر مفضل وبعدها ما اشتريت وخلاص بكذا تعود انو مالي ريحة مخصصة ولامميزة فانتي عودية عشان لاشمة قال ريحة زوجتي فلانة وان شاء الله ارجع اشترية في اقرب فرصة

9 – لا تظهري عيوبك امامة تقولي صدري مرة ترهل او واااو طلعتلي خطوط اذا انتقدك على شيء فيك قولي طبيعي حبيبي الجسم يتغير مع الحمل والولادة او احمد ربك عليا روح شوف غيري كلهم يشتكون من الخطوط
انا ما اتكلم عن نقطة الأ سارتلي موقف فية عشان كذا ما ابغاكم توقعوا في نفس الآخطاء مرة رحت الصيدلية قلت للصيدلاني عندك معجون يفتح الاسنان لان اسناني انعدمت من الحمل الموهم اعطاني الصيدلاني معجون
اليوم الثاني زوجي يبغى فرشة اسناني قلت لا وعصبت علية قلت قرف وين فرشتك ضيعتها ؟؟ هو زعل قال قرف وتعالو اسمعوا الكلام جرحني مرة اسنانك تقرف وانا اسناني كل حشوة والمشكلة الحشوة لونها رصاصي كأنة سوس
الموهم حطمني تحطيم قال انتي شوفي اسنانك واتعالي نقارن في المرايا L الموهم جلس يوم او ثلاث ارباع اليوم يتشمت بالرغم ان اسنانة مفرقة ومحتاجة تقويم بس هو شاف ضروسي محشية على بالة سوس (أكيد متو ضحك من الموقف بس انا وقتها مت بكى )
عشان كذا لاطلعي ولاعيب حتى لو كان واضح فيك

10 – نوعي في ملابسك وانصحك بالبجايم الشورت افضلها عن القمصان خلاص القمصان راحت موضتها البجايم تلبسيها أي وقت ظهر ليل عصر مو مثل القمصان لا لبستية الظهر قال شكلها تبغى وهو مو فايق ويسوي
روحة مصدع وينكد عليك وانتي نيتك نظيفة انا لما اللبس ويشوفني يتهرب يروح ينام على باله اني لبست قميص يعني ودي بشيء ثاني
حتى مميزات البجايم القصيرة تصغرك كثير في السن

11-ان كان زوجك متزوج عليكي او كان يخونك مع وحدة وكفشتية لا تجيبلة سيرة مثل ايوا انت جالس معاها تقصدين زوجتة متاخر عندها وتقعدين تجيبين في سيرتها بكذا تعلقية فيها بدون ماتدرين تناسيها سواء الزوجة او الخاينة
على قولة وحدة هنا في المنتدى تقول لاجاك زوجك اعتبرية ضيف غدية وقهوية وتبسمي في وجهة ولابغى يروح خلية يروح لاتقولي أي رايح لفلان او علان انا نكدت على زوجي حتى هو كرهني اقول رايح لفلان لان هذا صديقة
سمعتة الله يستر علينا وانا خايفة على زوجي منه وامتحنت زوجي في كل طلعة او كل مايتصل علية سار مايقولي وين رايح حتى لما يتصل علية يقول هذا صديق ويألف عليا J يعني بس خليتة يكذب عليا ولايصارحني وبعدها ماجبتلو سيرة
اهم شيء استودع الله زوجي وانصحة واقول رفقاء السوء وما احدد اسمائهم واذكرة بالله وبس

12-تزاعلتي مع زوجك كشفتي علية شيء خانك ذلك ضربك راجعي الناحية الدنية وادعي الله بإذن الله يوم يومين بالكثير يرجعلك ليش لانك لجئتي لله والله مايخيب ظن عبدة اذا احسن العبد الظن بالله

13- هذة النقطة مهمة الفرااااااااااش لاتكوني امعة احنا النساء ايضا لنا شهوة البعض من الازواج يستمتع مع زوجتة وتلقاها تمتعة شوي هو يفضي ويقوم ولاعلية منها هي فضت او لا ؟؟
اذا سكتي مرة راح يكررها مرة ومرتين وثلاث لحد مايتعود انة يمتع نفسة وفي داخلة يقول هذة ماتحس ماعندها شهوة انا حصلتلي اكثر من مرة وخاصة هذة الايام يفضي ويتركني ليش ؟؟ لاني سرت اسكت وهذا اكبر غلط
لازم تسوي نفسك زعلانة وقولي انا انسانة لاتستحين او تقولي فشلة بسكوتك وحياك راح تخربي على نفسك وتظلي طول عمرك على هذا الحال حتى تفأجأي انة تزوج عليك او خانك ولو واجهتية ليش تزوجت او خنتني يقول
ماعندك احساس ؟ صح كلامي

14- النعووووووووووووووووومة ومااااااااااااااااادراكي مالنعوووووووووووومة لو كنتي نعومة وفيك عيوب الدنيا ينسى عيوبك مهما كانت الرجل يحب في المرأة الابتسامة والنعومة

15- اقرأئي وسوي بحث عن المواضيع التي تخص الزوج

16- لاتجعلي الزوج هو حياتك اجعلية جزء من حياتك عشان لامات الله لايقدر ماتدمر حياتك عشان لاتزوجك عليك الله لايقدر تكون الصدمة اهون ماتنهارين

17-تبغي تعيشي سعيدة لااااااااااااااااااااااااااا تقرائي أي موضوع لأي عضوة فية خيانة او مشكلة وبالاصح لاتدخلي قسم حياة اسرية سعيدة لاني تركتة من حوالي 8شهور بس امر علية مرار الكرام اكتب نصيحة لاي وحدة وسرت ادخل الاقسام اللي بتنفعني

18-مثلا لو كنتو تتابعين مسلسل فلم مع زوجك او برنامج وفية بنت تهبل تاخذ العقل لاتكشرين مثلي اول حتى لو كان مبتسم زوجك لاتزعلين تبسمي لو كان البرنامج يضحك انا قديما كنت اتنرفز واروح الغرفة لو كان الفلم اللي يتابعة خليع والبنت اللي فية حلوة وهو كره حياتو ويقفل التلفزيون يعرف اني زعلانة خخخخخخ وكان يروح عند اهلة واصحابة يتابع الافلام وانا ماعندي شغلة ولامشغلة وبعد ماتعدلت وعرفت السبب عدم وجودة في البيت سرت افتح على قناة الافلام اللي يحبها هو قالي لااذا جاء مقطع تزعلين وتقفلين التلفزيون سويت نفسي اضحك واقول يؤيؤة عادي واذا جاء مقطع خليع اجري اغمض عينة واقول حرام واضحك عشان لايطالع لانة فعلا حرام واخلية
يتابع واتغاضى على بعض المواقف اللي في الفلم عشان لايقول نكد

19- ماوفيت حق هذا الجزء أختصرتة لأن المواضيع كثيرة وما ابغى اكرر واعيد نفس الكلام كتبت اهم النقاط والاشياء اللي اثرت فيني وما احب توقعون فيها مثلي
يتبع لا احد يرد

الجـــــــــــــــــــــــــــ زء الرابع ..

الاهتمام بالمنزل واختصار الوقت والجهد
الله يسعد بنات وحريم حواء اللي استفدت منهم في هذا القسم = الديكور والاثاث =التجارب والحلول المنزلية =الترتيب والتنظيم

استفدت استفادة كبيرررررررررة وسرت سنعة واحب بيتي ما اقول غير كثر الله خيرهم وربي ينول لكل وحدة منهم كتبت موضوع افادتنا فية طريقها
واللي حتكلم عنة اتكلم عن المواضيع اللي استفدت منها وجربتها .
حطي في علبة بخاخ الغسول الاتي المكون من(فنجان شاي فيري +ملطف الملابس (داوني او كمفرت ) مقدار فنجانين شاي وربع فنجان ديتول فقط ) وتعبي العلبة ماء حلو مو من الصنبور يستخدم
هذا الغسول لمسح المكيفات والتحف والتسريحة والدولاب
الغسول الثاني ضعي في علبة بخاخ (ماء +فنجان شاء جف مزيل الدهون ) خصصية للافران
الغسول الثالث ضعي في علبة بخاخ (كلوركس فنجانين شاي+فنجان ديتول +فنجان شاي فيري+ ماء) يستخدم للبقع او اذا اطفالك وسخو على السراميك يكون البخاخ على طول جاهز
عشان لايضيع وقتك تجيبي منشفة وتصبي ديتول بعدين فيري وشغلة الافضل هذة العلب البخاخ تكون في متناول اليدين
وانا وضعت في علبة بخاخ شكلها حلو مناسبة مع الحمام فيها (ماء+ديتول+داوني+عطر ماكنت ابغاه لان ريحتة ماعجبتني ) هذة الطريقة حلوة تخلية في الحمام عشان لاطلعت ريحة موحلوة اللي عليكي فقط تبخية وتطلعي واللي
يدخلك بعدك الحمام يحترمك حتى مع زوجك سويها واذا عيالك وسخو وغسلتيهم تعرفي ريحة الصغار تنتشر اللي عليكي تبخي وتشغلي الشفاطات
الترتيب له علاقة بالجانب النفسي لأن لو كنتي في مكان نظيف يتعدل مزاجك بدون ماتحسي وان كان مكانك كله حوسة يتعكر المزاج بدون ماتدري وتقولي انا طفشانة قرفانة راسي مصدع والسبب
الكوب المرمي والمخدة الطايحة من فوق السرير وريحة الغرفة والملابس متنثرة وغيرها
اول شيء شو تعملي (تشيلي وتخمي كل ماتحتاجية في البيت أي شيء تحسية زايد ولك سنة ما استخدمتية وماراح تستخدمية على طول خرجية من البيت يا انك بتتصدقي فية او ترمية وانتي حرة )
اولا- تبدائي تخصصي هذا الاسبوع في ترتيب البيت حبة حبة لو إنك رتبية في نفس اليوم كلة بكل تاكيد بيترتب علية مشاكل من ضمنها
1-ترهقي نفسك وصحتك
2-تكرهي الترتيب والنظافة
3-بكل تأكيد مابتكوني مركزة في الترتيب بتلاقي بعض الاماكن فيها تراب او انها ما انمسحت تمام
4-بتكوني معصبة وصارخك واصل للحارة وريحة إبطك وصلة الجيران (خخخخ امزح)
عشان كذا نمسك حبة حبة في البيت شوفي اهم شيء في بيتك وأبدائي فية نتجة إلى غرفة النوم
( غرفة النوم ) مكونة من تسريحة +كومدينة+دولاب+ سرير +شباك+اذا كان يوجد دولاب ملائم للغرفة فية اغراضك
غير كذا مالو داعي يكون موجود في غرفة النوم صح يعني لا تحطين كواية او نشارة ملابس او أي خرابيط خااااااارج الغرفة لو سمحتم لأن غرفة النوم لازم تكون مهيئة للراحة
نبدأ .. بالتنظيف حبة حبة نتجة للتسريحة يكون فوقها عطور تحفة حلوة أو مزهرية مناسبة للتسريحة فيها وورود او شموع غير كذا ما اعتقد تحطين شيء الا اذا كان في علبة ارواجك وميك اب فقط
ادراج التسريحة المفروض يكون..
1-درج مخصص للاستشوار +مكر للشعر+فرشاة الاستشوار
2-درج للشباصات وربطات شعرك

3-لو تبغي تحطي درج للاكسواراتك ( اذا فتحتي علبة الاكسسوارات بتلاقي حلق اخوة ضايع ارمية ليش محتفظة فية بتلاقي عقد ماعمرك لبستية ولااصلا بتلبسية ارمية بتلاقي خرابيط كثيرة صرفيها
وخلي اكسسواراتك منظمة ونظيفة ونصيحتي لك اشتري الاكسسوارت الملائمة لوجهك وهذة بعض النصائح إن كان وجهك طويل البسي الحلقان القصير المدورة واحذري من لبس الحلقان الطويلة لانها بتطول وجهك زيادة
واللي وجها مليان ودائري تلبس حلقان طويلة لانة بيطول من وجها اوك )

4-واذا كانت عندك ادراج في التسريحة فاضية خليها فاضية مو شرط لازم الدرج يكون فية شيء
الان نتجة للكومدينات ..
افتحيها وتأملي فيها شوفي ايش المفروض يكون فيها انا اللي بجنبي احط فيها سجادتي وشرشف صلاتي وقراني فقط
واللي بجنب زوجي فية بعض من كتبة فقط .. وبطلوا تحطو خرابيط اوراق وغيرة لالا ترا بهذة الطريقة تدخل الخرابيط في الغرفة خليها دوم منظمة
الان نتجة .. لدولاب زوجك ..
1-خرجي ثيابة ياكثر ثيابهم أسألية عن كل ثوب بتلبس هذا بيقولك لاقصير والثاني ضيق والثالث مدري وش فية كل الثياب اللي مايبغاهم على طول خارج البيت
انا سويت كذا مع زوجي اشوف ثيابهم بالهبل مالها مكان ولو كويت له ثوب قال لا ما ابغى هذا ضيق فقلت مو معقول هذة كلها ثياب فلما سألتة خرجت فوق 12 ثوب مايبغاة
ونفس الشيء شوفي ملابسة الداخلية المقطعة او اللي فيها بقع ماتخرج خليها خرق تمسحين فيها ونفس الشيء مع البناطيل وملابسة كلها بعدين طبقي الملابس ودخليها الدولاب
نفس الشيء شوفي اوراقة اللي يبغاها ارفعيها واللي مايبغاها في الزبالة استاذنية عشان لاترمي اوراق مهمة وصدقيني بتلاقي اغلب الاوراق حق الصرافة والرصيد 0 J
الان نتجة لدولابك ونفس الشيء اللي عملتية مع زوجك اعملية مع ملابسك
رجاء غرفة النوم وخاصة في الدولاب(مابتكون فية غير الملابس وشنطك حق الخرجات غير كذا لااااااااااا او اذا كان عندك علبة صغيرة للمكر والابر حطية في درج التسريحة بس مانبغى خرابيط
الان امسحي الدولاب والتسريحة والكومدينة بالغسول المخصص اللي كتبناة فوق
الان طالعي في الغرفة شوفي ايش ناقصها مثال
هل الستارة مناسبة للون الجدار والدولاب؟
هل لون بوية الجدار مناسبة ومريحة اعصابك؟
هل فراش السرير مناسب للستارة وللغرفة ككل ؟
هل تحسي انو في شيء ناقص في الغرفة مثل منظر او تحفة او صور ؟
اخيرا بعض الحريم الله يهديم تحط انواع الخرابيط في غرفة نومها وانواع التحف والمزهريات والشموع بطريقة تسد النفس الافضل تكون الغرفة خفيفة وحلوة والالوانها فرايحية
والبعض تحط البوية احمر غامق وتلاقي غرفتها صغيرة وتحط الوان غامقة هذا غلط ترى مزاجك كذا مايتعدل والبعض تحط السير حق الرجيم في غرفة النوم غلط L وبكذا انتهينا من غرفة النوم يلا روحي نامي
اصبحنا واصبح الملك لله صحيتي اليوم الثاني تحسي نفسك تعبانة من شغل البارح لاتتجهي للشيء الصعب مثل المطبخ روحي للغرف الثانية او الله يكرمك للحمام
نتجة للحمام طالعي فوووق في الجدران والشفاطات كلها تراب صح جيبي كلوركس وفيري وماء وحطيها في منشفة وحطيها على المساحة ويلامسحي الله يعينك
خلصتي غسلتي الحمام تمام ناظري فية هل ينقصة شيء مثل رف صغير مناسب للون الحمام تحطي فوقة علبة البخاخ اللي تكلمنا عنه فوق وتحطي بعض من لمساتك زهر شموع
نصيحة لاتركبي رف كبير اذا كان حمامك صغير راح يضيق عليك المطبخ خذي صغير
تقدري تدلعي حمامك ببعض المناشف الزينة او منظر حلو اللي يريحك

اليوم الثالث .. نتجة للمطبخ ونصيحة لاتخرجي كل الاشياء اللي فية حبة حبة عشان بتكرهي حياتك لو طلعتي الاغراض كلها
1-اطلعي فوووق اعلى الدولاب نظفية بالفيري والكلوركس وبعد تنظيفة حطي علية جرايد عشان لاتتعبي او قصدير يلا روحي اتقهوي وارتاحي
2-خصصي درج للمواد الغذائية وخليه مرتب كل شيء واضح طبعا امسحية بالكلور والفيري من الداخل
3-خصصي درج للبهارات ونصيحة خلية بجنب الفرن البهارات عشان تختصري الوقت والجهد ولاتكثري بهارات اشتري بخمسة كل شهر لان تضيق عليكي في المطبخ وتسوس
4-خصصي درج للخلاطات والغلايات الكهربائية
5-خصصي دولاب لمواعين الضيوف عشان لاتحوسي لما يجوكي ضيوف تعرفين ان هذا الدولاب فية كل مايخص الضيوف من ملاعق وشوك وكاسات وما استخدمها الا للضيوف عشان لاتتكسر او الملاعق تضيع
6-رتبي مواعينك على كيفك بس نصيحة لاتكثروون مواعين تراها سبب ضيق المطبخ فوق هذا تكثر عليك غسيل المواعين
7-لو عندك مواعين زيادة شيلها وحطيها في كرتون وارفعيها في المستودع اهم شيء تصرفيها
8-نصيحة كثرة الزينة والتحف والخرابيط في المطبخ تسد نفسك ولاتحطي فووق الدولاب شيء لاكرتون ولاجك موية انا اقصد اعلى دولاب المطبخ استغرب من الناس اللي يرفعون
العدة الحديد والمنشار والكراتين فوق المطبخ
9-المفروض يكون على دولاب المطبخ الان اقصد الدولاب اللي تحت علب بهارات طقم فيها اهم شيء مثل علبة للقهوة والهيل والاشياء اللي تستخدميها بأستمرار
وعلبة للشاي والسكر فقط وتعلقي تعليقه في مناشف الطبخ والوقايات فقط
9-لو كنتي كل يوم تفرمي بصل للطبخ او تستخدمي الملعقة الخشبية اللي مخصصة للطبخ او أي اله تستخدميها يوميا لادخليها الدولاب خليها في صفاية المواعين عشان لادخلتي المطبخ
تطبخي بدل تطلعي الالة من الدولاب والملعقة من الدرج يروح من الوقت وتتعبي لكن حتلاقيها فوق الصفاية المواعين جاهزة بترتاحي
10-وكل يوم احنا بنستخدم زيت صح للطبخ بدل تاخذي الزيت من الدولاب وترجعي فية عبية في قاورير اللي تيجي حق الزيت شكلها حلو عبية فيها وحطي بجنب السكر والشاي
11- خصصي لك غسول فوق مغسلة المطبخ عشان لو قطعتي الدجاجة يكون بجنبك على طول تغسلي يدك بدل تاخذي فيري
11-نصايح ممكن تتفرشي على دولاب المطبخ مفرش مناسب للون المطبخ تحطي طاولة طعام مناسبة لكبر وصغر المطبخ بس أي خرابيط ماتخص المطبخ براااااااااااااااااا

اليوم الرابع بكيفك اتجهي ونظفي باقي البيت كل يوم غرفة وبكذا مايجي 7ايام الا انتي مخلية بيتك فلة شمعة منورة J
للتخلص من الكركبة اليومية
1-ارمي كل لعبة صغيرة مكسرة كل لعبة فيها خطر على اطفالك
2-للحصول على بيت هاديء ونظيف وعن تجربة اطفيء كل انوار البيت عدا الغرفة اللي انتي وعيالك فيها بكدا الطفل ماراح يخرج من الغرفة لان البيت كلة ظلام
3-اغلقي كل ابواب غرفك بالمفتاح حتى الحمام اذا كانو صغار مايلحقوا المفتاح لكن لو كان عمره 4سنوات صعب تحطي المفتاح في الباب راح ياخذة ويقفل على نفسة فالافضل قفل الباب بالزرفول
4-ارفعي كل شيء خطر على عيالك مثل السكين والكاسات القزاز استخدمي البلاستك
راجعي قسم التجارب والحلول المنزلية وركن الديكور راح يساعدك وينفعك ويحمسك
اذا ماشاء الله عندك فلوس اعطيني خخخخخ امزح اشتري غسالة مواعين سوي بحث عن الافضل واشتريها تريحك وتختصر الجهد ايضا غسالة الملابس الاوتوماتيك تريحك بس شوفو الافضل واللي تناسبكم
انا انتظر ربي يرزقني وبشتريها
الآن شوفي جدولي وبكيفك تبغي تطبقية او سويلك جدول يناسبك يمكن جدولي مايناسبك
ايش هو شغل البيت (غسيل الملابس – غسيل المواعين – مسح السراميك وكنيسة –طبخ) فقط صح انا قسمت الشغل وارتحت كثييييييييييير
خصصي في الشهر .. مسح الثلاجة +مسح الأبواب+مسح الشفاطات+مسح الجدران الحمام والمطبخ
مثال يوم 25في الشهر تخصصية لمسح الأبواب ويوم 12في الشهر مسح الجدران
وجدولك الاسبوعي خصصي يوم في الاسبوع غسل الحمامات +ويوم مسح السراميك وكنسية +ويوم مسح المكيفات بالدواني بالمنشفة والتحف والمرايات فقط
جدولك اليومي اهم شيء تقومي من فجر الله عشان الله يبارك فيك وماتيجي الساعة 12 الا وانتي انتهيتي من يومك هذا
يكون كالتالي كي الثوب كل يوم اكوي ثوب لاتهلكي نفسك وتخصصي يوم كامل لكي الثياب والله جربتها ارهاق بس لو كل يوم تكوي ثوب لزوجك وقميص او بدلة اللي يلبسها في العصرية بتكوني مرتاحة
واذا المادية عندكم تمام وربي منعم عليك اعطيها الكواي يكويها كلها او لو عندك مجفف حراري مايحتاج هو يكويها لك اما انا ادعولي ربي يرزقني واشتري مجفف
غسل الملابس اول بأول كل صباح صدقيني احسن من انك تراكميها وتخصصي لها مرة في الاسبوع والله بدي الطريقة ترهقي حالك بس كل يوم بيومة افضل شيء وكمان لو تبغي لبس تلاقية جاهز مو تلاقية في سلة الغسيل
بعدين جهزي غداك وغسلي المواعين وبعدها روشي عيالك ونفسك
جدولي ..
يوم السبت .. غسيل السراميك
يوم الاحد راحة ..
يوم الاثنين .. غسيل حمامات
يوم الثلاثاء والاربعاء والخميس .. راحة
يوم الجمعة.. مسح المكيف والتحف والتسريحة بالغسول اللي كتبتة في الاعلى

اما جدولي اليومي ..
اصلي الفجر اقرا سورة الواقعة ارتب غرفة نومي (السرير . اشيل الملابس اللي طايحة احطها في سلة الغسيل . افتح الشباك . )
افطر اتجهة للغسيل واكوي الثوب اذا عيالي صحو من النوم اغيرلهم الحفاظات واخرج الدجاجة من بدري. طبعا بعد ما ارتب غرفتي اقفلها بالمفتاح
عادي مطبخي يكون الدولاب نظيف لاني ما احط خرابيط فوقة بس اجمع مواعين الفطور واغسلهم مع مواعين الغداء
واحط عيالي في الغرفة واشغلهم اناشيد افلام كرتون ويكون ماعندهم أي لعبة خطرة او أي خرابيط عشان لا اتعب واكنس غرفتهم لاتوسخت وبس نروح كلنا نأخذلنا دش وغدايا على النار
اخرج من الحمام واشوف استوى او لا واللبس واتكشخ وبث وارتاحي اليوم كلة
يتبع لا احد يرد

الجــــــــــــــــــــــــــز ء الخامس ..

الاهتمام بالبشرة والشعر
بكتب لكم افضل الخلطات لان ضيعنا فلوسنا على الصابون والكريمات وتتحسن البشرة وشوي ترجع ليش لان ييبغالنا اهتمام دائم
ماشاء الله لي سنين في هالمجال وفعلا تتغير البشرة وتفتح وعن تجربة تفتح البشرة حتى لو كانت سمراء مع الاهتمام بعضهم مايصدقوا يقولوا لازم كريمات فيها كرتزون وإلا مافي احد يبيض
المهم نبدأ بالشعر ..

فية شعر جاف ودهني وعادي وفية مختلط .. انا بتكلم عن نفسي لان غلط تستخدم اللي شعرها دهني نفس الاشياء اللي استخدمها
انا شعري جاف ومتقصف وخشن J ياسلام سلم
الحلول .. ايش يعني مقصف يعني تلاقي اخر شعرك الشعرة خارج منها شعرتين واحيانا ثلاث شعرات وتحصليها مكسورة او معوجة ومجرد ماتمشطين من اسفل تلاقي شعر صغير مكسر يطيح منك
الحل انك تقصية من اسفل لان بدي الطريقة تنهين مشكلة التقصصف
الشعر الجاف الحل معاه .. انك ترطبية بالزيوت المناسبة للشعرك وياكثرها وافضلها وعن تجربة سنين (زيت السمسم افضل زيت على الاطلاق والافضل اللي يجي من المعصرة ) لاتعبي حالك مع أي زيت
الحل مع الخشونة .. طريقتين الزيت والحنة )
لاتيجي وحدة تقول الحنة تقصف الشعر لاااااااااااااا او تخشنة لاااااااااااااااا انتي طريقتك غلط فلاتحكمي على الحنة بالغلط احترمي نفسك لاتظلميها خخخخخخ
الحنة لها شروط تختاري الحنة اليمنية تلاقي لونها اخضر يفتح النفس غير كدا ريحتها قوية تشميها انتبهي يعطيكي ياها لونها رمادي ومالها ريحة هذة مابتكون حنة اصلية بتلاقيها مخلوطة عشان كدا انتبهي من الغش
وايضا نفس الشروط تنظبق على السدر يمني لونة اخضر وريحتة تختلف عن ريحة الحنة اهم شيء اللون فاتح اخضر
ولو جيتي تحطي في وصفتك حنة او سدر لازززززززززم تنخلية تعرفي ايش تنخلية يعني تصفية بالمصفاة وتستخدمي الناعم المصفى واللي في المنخل ترمية بتلاقي زي الاعواد هيا اللي تسبب لك جفاف الاعواد هذة
واذا وضعتية على وصفتك سواء السدر او الحنة المنخول تقريبا 4ملاعق او ستة ماتكثري فهمتي وولازم تضيفي معاها فتجان زيت أي زيت طبخ زيتون سمسسم هذة شروط الحنة والسدر يلا لاتظلموهم
افضل طريقتين استخدمتهم طرق سهلة (فنجان زيت سمسم+فنجان زيت خردل+فنجان زيت خروع) هذة الوصفة اخذتها من المنتدى بارك الله في صاحبتها تقول تطول وفعلا لاحظت طول وهدئت النفشة
الطريقة الثانية ويارب يسعد صاحبتها (تضعي بصلة مقطعة +2فص ثوم على النار وماء على حسب شعرك+ثم تتركية يصفر الماء وتطفيء النار وتضعي 4م سدر+فنجان قهوة زيت زيتون وزيت خروع ) وتتركية يدفيء وتضعية على شعرك اذا كنتي حابة تلوني شعرك طبيعي وماتحبي الصبغات الكيماوية اذا كنتي تبغي لون شعرك
شقر .. حطي مع الماء اللي فية ثوم وبصل حطي بابونج
اذا تبغية احمر .. حطي كركردية
الوصفة الثالثة .. اغلي ماء +م عشبة الاس +م زعتر+اكليل الجبل خليها تغلي شوي ثم اطفي وحطيها في علبة بخاخ وكل يوم بخي شعرك ماتطلع ريحة بس بتجففو شوي انتي امسحي على شعرك على خفيف بإي زيت
تطول الشعر بشكل رهيب
الوصفة الرابعة .. زيت الجدايل من عبد الصمد القرشي لونو احمر 50 ريال قمة في الرووعة انا استخدمتة وتركتة مارجعت اشترية نسيت خخخخخخخ بس اتذكر طول شعري وان شاء الله برجع له
الحمدلله خلصنا من الشعر .. وبطلوكم خرابيط واعشاب حارة على الشعر مثل العويدي اللي هو المسمار والاعشاب الكثيرة والزيوت وخلطها مع بعض ترى تعدم الشعر وكل يوم دهن الشعر بالزيت غلط في غلط
خصصي لك يوم في الاسبوع زيت ويوم في الاسبوع حنة او سدر فقط وريحي شعرك مسكين يبغى يتنفس ترى لو كتمتية بكثر الزيوت يموت ويطيح
افضل شامبو للشعر شامبو جونسون للاطفال مايعدم شعرك ولازم يتخفف بالموية

نجي للهالات .. لاتضيعي فلوسك على الكريمات خذيها من مجربة الحل سهل جداااااااااااااااااااااااااااا ااااااا
1-عدم السهر النوم المبكر
2- لاتجلسي على اللاب كثير واذا كنتي تعشقي مرة النت افصلي الشاحن من وراء
3- شرب الماء بكثرة
4- مسح الهالات بزيت جنين القمح او زيت السمسم مسحة خفيفة
6- ابتعدي عنينك عن الخلطات اللي تسويها لوجهك لاتقرب عينك لانها ماتتحمل هالمنطقة
5-ومو من يوم وليلة تروح الهالات اقل شيء اسبوع تسمتري على النوم المبكر والزيت

للشفايف ما افضل من الفازلين أو زيت اللوز سواء المر او الحلو
اجتنبي هالخلطات اللي فيها روج السحري مع الفازلين عشان تخلية وردي ترى الروج كلة كحول ومواد كمائية
اذا تبغية وردي استخدمي لابليبو بالكرز رغم اني ما انصح فية الا اذا كنتي قدام زوجك او تبغية بدل الروج طالعة مكان في البيت لحالك حطي فازلين او زيت لوز

اما بشرة الوجة هذة حالة خاصة شوفي بشرتك دهنية عادية مختلطة وتعرفي على الاقنعة المناسبة لبشرتك ما ابغى اكتب أي وصفة تيجي وحدها بشرتها غير عن بشرتي وتدعي عليا
أفضل اسكنول باليمون هذة للبشرتها عادية
افضل طريقة للاسكنول نصف العلبة اسكنول +فنجان ماء ورد+م نشا (تستخدم بعد ماتمسحي الميك اب عشان تزيل كل الميك تمام بالقطنة بس براحة على بشرتك )
افضل طريقة للتفتيح (4م نشا+كوب ماء ورد +ربع كوب ماء عادي على النار يحرك بشويش على نار هادئة تحسي النشاء بدء يتماسك اطفي النار اضيفي 4م كريم جلسرين او كريم جولوسيد وحركية تمام تحسي اتجانس
مع بعض حطية في علبة وخلية فوق الدولاب ماراح يخرب لو جلس شهور في الدولاب مايخرب ) طريقة استخدامة . ينقط على الوجة كأنك تحطي كريم الاساس وحركية على وجهك كلة بس وهو من حالة راح يجف وماكأنك حاطة شيء اهم شيء ماتكثري

بشرة الجسم ..
افضل السنفرات عن تجربة وبعدها لاتبحثي عن أي سنفرة
1-سنفرة ملح الحليب 5 ريال قيمتة وفي المتاجر القاه 3 ريال وبعض الغشاشين من العطارين يبعوة 8 ريال و10 ريال اذا ماعندك ملح حليب او غير متواجد ضعي ملح ناعم +سكر
2-سنفرة المشمش أي شركة انا اخذ اللي قيمتها 10 ريال الكبيرة في المتاجر احصلها 7 ريال
3-الدلكة السودانية (عدس وترمس مر ورز مصري)كلها مطحونة ونفس المقادير حطيها في علبة تاخذي قد جسمك وتضيفي ماء دافي
4-السدر ممكن تضيفي لة شوي حنة ممكن تضيفي له حليب بوردة وتحطي في علبة وتاخذي قد جسمك بالمعلقة وتضيفي ماء دافي
5-صنفرة كاب لكن مو لحالها افضل طريقة للتبيض (3م من صنفرة كاب+3م حليب بودرة +عصير 4ليمونات بن زهير ) هذة الخلطة قمة في الروعة
أفضل ليفة ..
من بدي شوب ب15 ريال تجي زي القفازات ماتخدش جسمك ولاشيء حلوة

أفضل المرطبات واللوشنات للجسم
ياشركة جونسون او شركة فازلين وغيرة لاتعبي حالك
خلطة فتامين سي رووعة برضو وتفتح اللي هيا فوار فتامين سي +زيت لوز مر+ليمون+جولوسيد سوو بحث وتلاقوها
برضوا هذة الخلطة حلوة (لوشن بزبدة الكاكاو من شركة فازلين+جل جونسون بالباوبنج+كريم جلسرين او جولوسيد+نص العلبة زيت لوز مر )
اذا تبغي خلطات تفتيح دوري النت مليان لكن اهم شيء تستخدميها ليلا وفي الصباح تغسليها وترطبي جسمك وتبتعدي عن الجسم انا ان شاء الله بستخدم خلطة لكن مابذكر الخلطة الا بعد التجربة
اهم شيء تبتعدي عن مرهم دريموفيد لانة اكبر مصيبة

لتبيض اليدين مالك غير الليمون والسكر أو زيت جنين القمح وتلبسي قفازات
وسو بحث لخلطة اسمها ايدي دلع دلع برضو حلوة

للرجل مالك غير الفازلين العادي وتلبسي اكياس نايلو وفوقها شراب لا تحطي أي خرابيط وتكثري كريمات وهبل لكن لو كنتي عندك دوام او تروحي الجامعة وتلبسي شوز مفتوح ماراح يناسبك الفازلين
لان مع الشمس بيسمر حاولي تحطي كريم مايتأثر بالشمس

الاسنان لاتعبي نفسك هيا طريقتين
1-السواك
2-العسل مع المعجون فقط

اثار الحروق أو البقع في الجسم (انا وضعت قليل من زيت زيتون في القدر وعلى نار هادئة وحطيت معاه عشبة شوي خواجوا لونة عودي ) كلمة روعة قليلة في حقة عندي اثر حرق لها سنة وزيادة سويت كل شيء ماخف غير بالزيت
لكن كل ماحطيت اذكر الله وامسح علية بماء زمزم
لكن اللي توها انحرقت وحرقها جديد مالها غير ميبو افضل مرهم للحروق المبتدئة

المنطقة الحساسة الركب هذولا الثالثة مو محتاجين كريم تدرين ليش لان الكريمات اقصد المراهم اللي تقشر وتفتح مثل الدوكين والرتن أي تسببلها جفاف وماراح تفتح لما تجف تسمر وما اأيد هالكريمات للمنطقة هذة
الافضل الترطيب لها اسأل مجرب ولاتسأل طبيب شفتو خلطة الاسكنول اللي فوق امسحي المنطقة بشويش ولاتكثري بعدها ادهنيها بالفازلين العادي وبعدها حطي نشا افضل طريقة واللي متزوجة لاتلبس اندوير
تهوي ياقلبي
واذا تبغي صدرك يكبر وينشد ماء +م ص ماء ورد تحطية فوق كاسة الموية مع الايام بتشوفي الفرق هذا مو كلامي انا بس حتى اختي حتى بنات لاحظو الفرق

وبكذا انتهينا من العناية عندي بعض الملاحظات
البياض والشعر الناعم مايجي من شهر او شهرين اقل شيء ستة شهور هذا لو انتظمتي على الجدول
وابتعدو عن الخلطات القوية والضارة والكريمات الكثيرة وخسارة فلوس
انصحكم بخلطة الاخت جالكسي صابونة الوجة ((اللي عطيته بنت خالتي وخلى الكل يسئلها وش غيرك بااسبووع فقط مع جـآلكـسـي))
وخلطة ايدي دلع دلع(( آيدي دلع دلع دلع تعآلو آعلمكم بسرري <= تجرربتي الخطيرره)) سوو بحث وتلاقوها
افضل حبوب للبشرة والشعر حبوب الحديد والكالسيوم وحمض الفوليك وغيرها لاتستخدمي لان هذة الحبوب تنفع وماتضر حتى الحامل والنفاس يستخدموها
والغذاء الصحي له دور ايضا ..

الموضووووع منقووول للفائدة

موضوع حلو كتيييير امير
تسلم ايدك
الله يرزقك الزوج الصالح واتطبقي كل شئ ان شاء الله
عجبني المقطع دا كتير

- لاتجعلي الزوج هو حياتك اجعلية جزء من حياتك عشان لامات الله لايقدر ماتدمر حياتك عشان لاتزوجك عليك الله لايقدر تكون
الصدمة اهون ماتنهارين
الله لا يحرمنا من جديدك المفيد

الحمدلله حياتي أصبحت كاملة والفضل يرجع لله ثم للخمسة اللي بالداخل (ماراح تندمون) Image440

ام علي
اشكر مرورك الرائع
بااارك الله فيك حبيبتي
بوركتي بحفظ الرحمن
الحمدلله حياتي أصبحت كاملة والفضل يرجع لله ثم للخمسة اللي بالداخل (ماراح تندمون) Image440

يعطيكي الف عافية عالمجهود المميز غاليتي اميرة الورد

ام ياسمين
باااارك الله فيك
اسعدني مرورك
الحمدلله حياتي أصبحت كاملة والفضل يرجع لله ثم للخمسة اللي بالداخل (ماراح تندمون) Image470

» الخطأ اللي بنعمله من غير قصد والصح اللي لازم يتعمل ؟. اليكم الصور
» ح) (ر) (و) (ف ) ........................ أصبحت قاسية
» *(عصبية زوجك ... اول ما يرجع من العمل ... لها حل ...) •·.·°¯`·.·•
» الحمدلله َ الذي َ خلقني َ امرآه َ ..)
» دعوة أمي غيرت حياتي