صينية فراخ محشية بالخضروات

صينية فراخ محشية بالخضروات
النهارده بنقدم لك طريقة عمل طبق مميز جدا وسهل في تجهيزه صينية فراخ محشية بالخضروات وتحضيره وهو صينية الفراخ المحشية بالخضروات..

صينية فراخ محشية بالخضروات
المقادير:

فرخة متوسطة (كيلو ونصف تقريبا)
كوب خضروات مشكّلة (جزر/ بسلة/ كرفس/ بصل/...) حسب المتوفر.
3 ملعقة كبيرة زيت زيتون
كوب فلفل ألوان مقطع
½ ملعقة صغيرة قرفة
1 ثمرة بصل متوسطة
ملعقة صغيرة بهارات
3 فص ثوم مفروم
ملعقة كبيرة زيت
½ كوب مشروم
4 حبات حبهان
ملح وفلفل

الطريقة:
1- اغسلي الفرخة كويس أوي واسلقيها لمدة تلت ساعة، وضيفي لمية السلق البصلة والحبهان والبهارات والقرفة.

2- سخني زيت الزيتون في طاسة، وحطي التوم وشوّحيه لحد ما لونه يصفر، بعدها ضيفي عليه الخضار المشكل، والفلفل الألوان والمشروم والملح والفلفل، وشوحيهم لمدة 7 دقايق.

3- لما تبرد الفرخة والخضار شوية، احشي الفرخة بالخضار، وحطيها في صينية صغيرة وادهني وشها بملعقة زيت، وممكن تغطيها بورق فويل، ودخليها الفرن، على درجة حرارة 190 لمدة نص ساعة، وقدميها بعد كده مع أرز أبيض وبالهنا والشفا.

طبق هايل نسويه كمان بالمغرب

مع اختلاف طفيف في البهارات

يطلع لذيذ جدا

تسلم يداك يا ست الكل

جعل الله ما تقدمينه في ميزان حسناتك

وايااااكى حبيبتى
ام ياسين
شرفت بطلتك العطرة
بوركتى بحفظ الرحمن

» فراخ بالزبادى
» الابداع بالخضروات
» صينية الخضار بالدجاج
» صينية سويتز بالدجاج
» صينية اللازانيا الشهيه