تعملى ايه لو اتحطيطى فى الموقف دة

السلام عليكم ورحمه الله وبركاته

الموضوع باختصار كدة
يعني هنزل موقف ممكن يقابلنا او نتحط فيه في حياتنا العاديه ... و هشرح كل
ظروفه ... و مطلوب من كل واحد يدخل يحط نفسه مكان بطل الموقف و يقولي بكل
صراحه ماذا تفعل لو كنت .... مكانه

معندكوش فكره الموضوع ده قد ايه مفيد .. ان عندك فرصه تفكر في موقف صعب و
معقد و انت بعيد و قاعد و اعصابك هاديه .. ده غير انك هتشوف اراء مختلفه و
منها اللي هيكون جميل جدا ... و هتلاقي ده انعكس عليك و في تفاعلك مع اي
موقف مفاجئ تتحط فيه لان عقلك ببساطه هيستدعي رد الفعل المناسب من الحصيله
اللي هيخزنها من متابعتك للموضوع ده ...
يلا بينا جاهزين

الموقف1

حضرتك ماشي علي الكورنيش مبسوط و منشكح
اوي ... بذكر الله او بتفكر فى شىء.. باصص للنيل و لسه ناوي تسرح
في ملكوت الله

فجأه سمعت بنت بتصرخ .. بتضرب بعينك _ و دي اقصي حاجه هتعرف تضرب بيها في
الليله دي _ لقيت شاب زي الحيطه وشه ملغبط و مليان شلفطه تدل علي تاريخه
المنيل ... لقيت الشاب ده بيخطف شنطه البنيه و طالع يجري ناحيتك ...

و في فنتو ثانيه عقلك اشتغل ...
انا لو اتعرضت للثور ده ممكن اجيب الشنطه للبنيه .. بس طبعا هاخدي بوكسين حلوين

ولا اعمل نفسي مش واخد بالي مانا برضه يمكن اخد البوكسين علي الفاضي و يبقي منابنيش غير شويه البن اللي هحطه تحت عيني

يا تري بقي يا بطل ... لو انت في الموقف ده هتعمل ايه ؟؟؟

يلا فكرو وردو على المشكله دى على ما اشوف موقف تانى يكون اجمد من ده

ازا كان الحرامي راجل و انا بنت , ماقدرش
اتعارك معاه ..

يعني حاعمل نفسي مش واخدة بالي
...

بس لو كانت الحرامي بنت , أمسكها و و اخد
الشنتة منها ارجعها , و اعملها اللي فيه النصيب ..

اكيييد هادا اللي راح اعمله
..

شكرا لك ام نبيل عالموضوع الرااائع
..

في انتظار البقية و ارائهم
..

انا عن نفسى هخاف ابص فى شكله اصلا
بس هروح احايل البنيه واقولها متزعلش شنطه تفوت ولا حد يموت ههههههه

» ҉عايزة تعملى موضوع وتنسقيه ادخلى هنا من الألف الى الياء بإذن الله҉
» ماذا تفعل فى هذا الموقف المحرج
» ماذا تفعلى فى هذا الموقف المحرج <مواقف محرجة>