اللي تقول أنا ماأعرف أتدلع مايضبط معي أنتي أساس الدلع

اول شي يوسفني حال الحلوات الي تقول انا ماعرف اتدلع مايضبط معي انتي اساس الدلع بانوثتك وكلامك وصوتك مو شرط الدلع بتصرفاتك حتى صوتك تقدرين تدلعين به حتى لبسك تقدرين تلبسين شي دلع
الدلع مو محصور بشي واحد00

بالدنيا مافيه شي صعب وماراح يصعب عليك الدلع والغزل انا مابيك تصنعين الدلع لان الدلع المتصنع غير مرغوب فيه
انا ابيك تطلعين دلعك الي لايق بشخصيتك كل بنات ادم فيهم خصلة دلع
اعرف بنات كانو جافات في الكلام والاسلوب والحين من تسمعينه تنصدمين الكلام يقطر عسل والصوت قمة الانوثه
انا عن نفسي وربي كنت دفشه في الاسلوب والكلام والحمدالله لحقت ع عمري والحين الكل يمدح باسلوبي وكلامي
الي غير غيرك بيغيرك بس المسئله محتاجه شوي صبر وعزيمه00
اقفي مع نفسك وقولي ان شالله بتعلم اساليب ادلع وبتدلع وبقوله كلام حلو وش ناقصني وشجعي نفسك
للمعلومه يابنات ترا كلام تشجيع النفس من داخل له اثر حلو عليك00

الكلام المعسول يوثر ع شعور الرجل ويعطيه احساس بالفرح والبهجه انتي لما يقعد يمدح فيك ويقولك كم كلمه حلوه اكيد راح تنبسطين هذا الشعور هو يحس فيه لما تغزلين فيه او تقولين له كم كلمه حلوه لاتحرمينه هالشعور

=صوتك كلنا اصواتنا ناعمه ومن المعروف الاذن تعشق قبل العين تقدرين تستيسرين زوجك بصوتك
صوتك يعتبر سلاح تجذبينه فيه لاتقولين صوتي مو حلو ماتدرين يمكن عاجبه ويشوفه احلى صوت
والله اعرف بنات اصواتهم مو حلوه وازواجهم متعلقين باصواتهم يقولون في صوتك نعومه
كلنا نتميز بالنعومه
الحين نشوف بعض الرجال ينجذبون للبنات من خلال سماعهم لاصواتهم بالجوال وتلقينه يمدح بصوتها00كيف تدلعين بصوتك
ماراح يكلف عليك خطوتين بس سويهم وتطلع بعين زوجك ان صوتك دلع
لما تكلمين معه تكلمي بصوت هادي ومنخفض
انتم تعرفون ان نبرة الصوت الهادي تثير مشاعره لان الصوت الهادي والمنخفض يعتبر ناعم
الحين جربي مع نفسك تكلمي بصوت منخفض وهادي لاتقولين ماتعودت مو حلو الي بيسمعه زوجك ولا انتي
خليه يستمتع بصوتك
وفيه طريقه تخقق تخلي الرجل مهلوس فيك انك لما تكلمين معه كنك ذائبه صدقوني راح يخق
بصوتك تقدرين تجذبينه
نوعي بنبرات صوتك مره خلي صوتك منخفض مره خليه يقول ماسمعك صوتك منخفض ومره خلي صوتك كنك ذائبه
ومره خلي صوتك هادي

امدحي صوت زوجك يتعلق فيك اكثر ياعمري صوتك هبل في حياتي صوتك اسرني وصرت كل يوم احتاجه
ياحلاوة صوتك لاسمعته
قلي ياعمري هو فيه احلى بهالدنيا من صوتك يارب مانحرم منه
ومره سوي نفسك سرحانه مو معه واذا سئلج قولي سرحانه بصوتك عليك نبرات تدوخ

تدلعي بكلامك
اذا صارت نبرة صوتك هادئه وانتي كلامك حلو خلاص صار عندك سلاح انثوي تجذبين به زوجك
الكلام مافيه شي صعب
انا الحين بطلب منك تقولين ياعمري تقدرين تقولينها ماعندك مشكله<<يعني انتي قادره انك تقولين الكلام الحلو بس مستصعبته ع زوجك

انتن تعرفن ان هالكلمات البسيطه(ياعمري_ ياقلبي_ لبى روحك_ فديتك) هالكلمات الصغيره مفعولها مثل السحر لاتستهنن فيها
عودي زوجك عليها خليه يلمس هالكلمات فيك
صدقيني لو عودتي مسامعه ع هالكلمات وفقدهم راح يسئلج وين كلامك الحلو
الرجال مسكين عندهم ياعمري وياروحي كنك قايله له كلام حلو شفتن هالكلمات الصغيره تسوى عندهم الدنيا
عودي نفسك بكل مكالمه تقولين له هالكلام عوديه ع الكلام الحلو خليه يتعلق فيك من كلامك
حتى لو صوتك مو حلو كلامك يرقعه ويحلي صوتك بعينه
اما اذا صار الصوت مو حلو ولاكلام حلو وش بيلقى فيك00
لازم تغطين العيب عندك بشي حلو

ياويل الي تقول استحي ماتطلع هالكلمات انتي وش ناقصك عشان هالكلمات ماتطلع الكلمات تطلع بس العيب فيك ماتعطينها فرصه
حياك ذا وعذرك انك مستحيه او ماتعودت ماراح ينفعك بيخسرك الكثير هذا خطيبك وقريب بتعيشين بيت واحد اذا ماعودتيه هالفتره بعد الزواج راح تصعب امورك
شوفي كم بنت قالت بعد الزواج بسوي واسوي تزوجت وماقدرت تسوي شي
فتره الخطوبه والملكه فرصه ذهبيه لتعويد نفسك وزوجك ع كل شي

لاتخلين بنات المعاكسات يسرقون خطيبك بكلامهم وياكثرهم هالايام تقدر تخطفه منك باسلوبها بصوتها بكلامها
حتى لو زوجك صرفها بس الشيطان شاطر يقدر يخليه يروح لها ويشوهك بعينه
لاتقولين مستحيل انا واثقه فيهماتدرين يمكن تدق عليه بالغلط وينجذب لصوتها ولكلامها
خليك شاطري وحافظي ع زوجك اذا تحبينه وفري له كل شي ولاتحرمينه من شي
ياحلوات فترة الملكه احلى فتره وربي اتمنى انها ترجع لاتحرمون انفسكم من حلاوتها بعد الزواج تمنون انها ترجع لانها فتره دلع
انبسطي وتدلعي وعطي هالفتره حقها لاتقولين بخبي مشاعري لابعد الزواج
بعد الزواج بتجيك مشاعر غير عن مشاعر هالفتره لاتحرمين نفسك
لان مشاعر الملكه غير عن الزواج
اتدلعي ودلعي زوجك لاتبخلين عليه بشي علقيه بهالفتره فيك
وابتعدي عن كلام بعض البنات اثقلن ومدري ويش
الحمدالله والشكر تثقلين ع خطيبك لاتثقلين عطيه الحب والحنان اغرقيه بالعسل
بقولكم سالفه صديقتي
كانت تقول اختي الكبيره تهاوشني تقول لاتردين عليه اثقلي لاتغزلين فيه بيقول هذي ماتستحي ومن هالكلام والضعيفه تحطمت ماتدري وش تسوي وخطيبها يشتكي من تقصيرها اتجاهها انتي ماتعطيني كلام حلو انتي ماترسلين علي ماتردين احيان ع اتصالاتي
دايم تعتذرين بانك مستحيه واعذار مالها داعي
المهم انا اقنعتها وعطيتها كم نصيحه والحمدالله الحين مبسوط منها
ومن هالسالفه بقولكم شي
الحين اختك او الي بتنصحك عن خطيبك بتعيش معك يوم تسمعين كلامها
انتي الي بتعيشين مع خطيبك يعني شوفي وش يحب وش يكره وسويه اختك او صديقتك ماراح تنفعك لاصار شي
انتي ادرى بخطيبك ليش تسئلين الناس خطيبي زعلان عشان ماسمعه كلام حلو طيب الي تشكين لها تبينها تكلم خطيبك وتعطيه كلام حلو
انتي شوفي الخطا وصححيه بنفسك اعتمدي ع نفسك الناس دايم مو عندك
لاتسمعين راي احد اتجاه خطيبك لاتكلمينه اثقلي ومن هالكلام الي ماوراه سنع
دائما تكلمي معه باحساس اجعلي كلامك معسول
اول مايكلمك رحبي فيه وهلي باسلوب حلو
هلا بالغالي
هلا باللي ينور دنيتي صوته
هلا بغلا سحوره
هلا بصوت حبيبي
يالبى هالصوت هلابك ياعمري
هلا بالغلا كله
مراحب ياعمري
هلا بغلاي
هلا بدنتي
هلا بشمعة حياتي
ياهلابك يابعد كل الاصوات
هلا باللي صوته يحرك كل احساس فيني
(يعني ابدعي بكلماتك الترحيبيه لاستقبال اتصاله)

واذا جيتي تسئلين عن احواله تطمني بطريقه حلوه
كيف غلاي عساه مبسوط
عمري كيفك اليوم
حبيبي طمني عنك
وش اخبارك يالغالي
غلاي وش مسوي
حبيب سحوره كيفه اليوم
الحلو وش اخباره
(خلي اسلوبك مغري ودلع)
وانتي تسولفين معه
احشري هالكلمات بكل كلمه تقولينها(ياعمري ياروحي ياقلبي ياغناتي يافديتك)
هالكلمات لاتفارقك ابد بكل كلمه اتبعيها بهالعبارات

تغزلي فيه واغرقيه بالعسل خليه يوم يسكر من عندك مايدري وين ارضه
الغزل مافيه اسهل منه بيعطيه احساس منعش
الغزل يعتبر نقطة ضعف الرجل من تغزلين فيه يضعف امامك وتقدرين تسيطرين عليه

تغزلي بصوته
يالبى الصوت
عليك نبرات صوت تدوخني
صوتك يجنن مثلك
وانا اقول صوتك ليش حلو اثاريه طالع عليك
حبيبي صوتك مرررررررررره حلو منين جايبه<خلي باسلوبك شوي دلع وبراه
واذا بتقولين هالكمه جري كلمة مرررررررره
صوتك اسرني وصرت احتاجه

غلاي صوتك لايفارقني ماقدر ع بعده

تغزلي بشكله وكلامه
حتى لو زوجك مو حلو بغزلك بيشوف نفسه كنه توم كروزهههههههههههههه
امدحي جسمه وامدحي لبسه وامدحي كلامه
المدح له تاثير قوي انتي من يمدحك احد مو تستانسين هو نفس الشعور
دائمم لاوصيكم كثر من بهارات المدحامدحي ضحكته
امدحي صفاته
تغزلي بجسمه وبكلامه
حبيبي انا محظوظه فيك لان الله عطاني انسان حلو وانسان فاهم واعي وانسان طيب وخلوق
الله منه لايحرمني
غلاي فيه واحد اسمه فلان(اسم زوجك) انا اموت فيه لانه حلو وطيب وخلوق ...الخ عندك مانع لاني احبه<<خلي باسلوبك دلع وحلاوه وبراءه
الاطفال الصغار تعلمو من براتهم بالاسلوب
مثل استهبلي واكسري الروتين وابعدي الملل قولي انا ماقدر اثولف معك اثناني اكلتهم الثوثه لاني اكلت حلوات وادد<< صدقيني بيضحك ويستانس كثير بنات جربو هالاشياء واذكر نزلت موضوع باحد المنتديات عن هالاسلوب ومشى مفعولهااوقولي انا احبك هالكثر وافتحي يدينك مثل الصغار(لما يجي زياره عندك)
واذا طلب منك شي قولي ماني ماني مثل الاطفال

عمري تصدق مانمت امبارح زين كله قاعد افكر فيك وافكر بصوتك وشكلك وربي اسرتني بحلاوتك00
تكفى ياروحي انتبه ع نفسك وحصن روحك اخاف احد يعطيك عين
او اذا جاء عندك زياره قولي له اااااااه ياكثر زينك منين جايبه
او قولي له ياكثر زينك ياعمري وربي هبلت فيني

بقولكم شي مره حلو وبيستانس من فتره لفتره اطلبي صورته قولي مشتاقه لك ودي اشوف غلاي هذي النقطه تعتبر من باب الاهتمام والتعلق

واذا جاء يسكر من المكالمه وقال تبين شي قولي ايه ابي صوتك لاتطول علي الشوق حراق

الحين نجي للمهم

الحلوات الي يقولون مانعرف نتدلع مانعرف نقول كلام حلو انا بعطيكم كذا طريقه جربيها

=الكلام الحلو ماتعرفين تغزلين ماتعرفين تقولين كلام حلو روحي تصفحي الخواطر تلقين بين الاسطر كلمات حلوه صغيره اخذيهم واكتبيهم بدفتر وخصصي الدفتر ذا للكلام الحلو وكل فتره شيكي عليه وحاولي تحفظين منه
او شوفي بعض المسجات فيها عبارات حلوه اخذيها وسجليها بالدفتر
وحاولي تحفظينهم

= الكلام الحلو تحفظينه بس تنسينه بسيطه اكتبيه بورقه قدامك واذا كلمك طالعي بالورقه هو ماراح يشوف الورقه اخذي راحتك بس انتبهي تسردين الكلام كله ورا بعض لا

=احفظي لج سطرين من شعر حلو وقوليه له نوعي باسلوب الغزل عندك او اكتبيه بورقه وقوليه له

=شوفي الغزل والكلام الحلو ماراح يجي لحد عندك لا هو موجود فيك بس منتي قادره تطلعينه مافيه شي يجي الا بعزيمه واصرار اعزمي مع نفسك واصري وقولي ان شالله بقوله اليوم كذا
خليك قويه مع نفسك لمتى وانتي ع هالحال اذا مغيرتي من نفسك ماراح تغيرين
الناس تغير وتبدع وانتي هذا حالكالبنات الصغار يعرفون يتغزلون ويقولون كلام حلو وانتس وش ناقصك عنهم

بعض البنات يذبحوني بكلمتهم والله ماتعودت اقول هالكلام وانا صغيره
الحين انتي كبيره والي ماتعودتي عليه وانتي صغيره لاتربطينه فيك وانتي كبيره هذاك ماضي وانتي الحين بالمستقبل لازم تواكبين التطور

منقول

اللي تقول أنا ماأعرف أتدلع مايضبط معي أنتي أساس الدلع 735885

طرح راائع اميره

بارك الله فيكي
الله يسعدك ويرزقك الزوج الصالح انتي وجميع بنات المسلمين

الله لا يحرمنا جديدك الممتع

اللي تقول أنا ماأعرف أتدلع مايضبط معي أنتي أساس الدلع 559492

اللي تقول أنا ماأعرف أتدلع مايضبط معي أنتي أساس الدلع 559492

اللي تقول أنا ماأعرف أتدلع مايضبط معي أنتي أساس الدلع 85593

شكلي راح اتزوج بسبب دعوات بنات المنتدى لي بالزوج الصالح
هههههه
ام علي
بااااارك الله فيك يالغالية
اسعدني مرورك
اللي تقول أنا ماأعرف أتدلع مايضبط معي أنتي أساس الدلع 95787

اللي تقول أنا ماأعرف أتدلع مايضبط معي أنتي أساس الدلع 95787

تسلمي اميرة على طرحك الجميل

بارك الله فيك

والله يوفقك ويسعدك

اللي تقول أنا ماأعرف أتدلع مايضبط معي أنتي أساس الدلع 886251

ماشاء الله الله يصلح احوالنا معهم

موضوع عجبني كثييير ويستحق التقييم ارجوا ان تعم الفائده للجميع

اللي تقول أنا ماأعرف أتدلع مايضبط معي أنتي أساس الدلع 819240

اللي تقول أنا ماأعرف أتدلع مايضبط معي أنتي أساس الدلع 819240

بارك الله فيكي ورزقكي الزوج الصالح المحب لدينه

سلمت يداكي

اللي تقول أنا ماأعرف أتدلع مايضبط معي أنتي أساس الدلع 479735

» الخطأ اللي بنعمله من غير قصد والصح اللي لازم يتعمل ؟. اليكم الصور
» أنتي في نعمة
» أنتي غريبة... فهنيئاً لك
» وردة أنتي ام لؤلؤة؟؟؟
» تدلعي دآم الدلع لآيق عليك♥ اكسوارات♥