اختى ..ايه رايك تكونى منتقبه؟؟

السلام عليكم ورحمة الله وبركاته

هذا الموضوع قديم وجديد في نفس الوقت!

قديـــــم:

و جديـــــد:

بالنسبة لكثير من أخواتنا حديثات العهد بمنتدانا الجميل ولم يشاركننا من قبل في

موضوع النقاب أو من لم يخطر ببالهن من قبل موضوع النقاب فهذا الموضوع موجه

لهن خصيصا !!

--------------------------

ترددت كثيراً في فتح هذا الموضوع لأنكم كما ترون موضوع النقاب تكرر مرارًا وتكرارًا ويثير الجدال أينما طرح

وطالما اتهِمَ مؤيدوه بالتشدد والتعصب وإتباع هوى النفس وأنهم يفرضون في

الإسلام فروضًا ويحرِّمون على غير المنتقبات لبسهن لهذا الحجاب وأنهم يزكون

أنفسهم بلبسهن النقاب.... وإتهامات كثيرة!

ويمكن ما شجعنى لعرض هذا الموضوع في هذه الفترة بالذات إني الحمدلله وجدت

حولي أخوات أعرفهن تهفوهم أنفسهم للبس النقاب وبيدعوا ربنا كثيرا للبسه فكان

هذا الموضوع إن شاء الله تثبيتأ لهن بإذن الله واسأل الله الاخلاص قولا وعملا

وتشجيعا لغير المنتقبات للتفكير جديا في هذا الموضوع بالإقنــاع.

ويشهد الله أن مادفعنى لكتابة هذا الموضوع إلا حبي لَكنَّ في الله و رغبتى أن

يجمعنا الله جميعا في جنة الفردوس وأن يحشرنا مع زوجات النبي صلى الله عليه

وسلم

ويبقي فقط أن أنوِّه أننا لن نتحدث عن فرضية النقاب من عدمه فهو مفتوح لكنَّ أن

تقتنعوا بالفرضية أم الافضلية مما تستشفوه من قراءاتكم لكتب التفاسير وآراء العلماء

فالموضوع هنا يحمل معنى الدعوة بدون التطرق للجدال في الأمور الخلافية!!

وسأعرض الموضوع إن شاء الله على هيئة سلسلتين وكل سلسلة ذات حلقات مرقمَّة

فتابعوني

وجزاكم الله خيرا

السلام عليكم ورحمة الله وبركاته

مـــــــــــــــــــــــــــــــــــنـــــــــــــــــــــــــــــقــــــــــــــــــــول

السلام عليكم ورحمة الله وبركاته

أخواتى في الله منتقبات وغير منتقبات

لن ابدأ حديثى بالبداية التى تفزع الكثير منكم وتجرى الدم في العروق
وما كنت

أعلم أنها مثيرة أو مستفزة لهذه الدرجة وهى عبارة(النقاب فرض)

وأحب أن أرفع شعارى عندما قررت فتح هذه الغرفة وهى:

لا للجدال ولكن الدعوة بهدوء!

كتير من الناس بيرددوا عبارة(النقاب فضل أو فضيلة)

طب تعرفوا هى معناها ايه؟؟

كلمة فضل أو "مستحب" او "مندوب"عند الأصوليين معناها:

ما يثاب فاعله، ولا يعاقب تاركه

وفي رسالة الشيخ الألباني رحمه الله التى أجاز فيها كشف الوجه قال عن النقاب أنه

سنة ومستحبة

إذن الشيخ يرى أن التغطية سنة مستحبة، لم يقل:

مباح، جائز، بل قال: سنة، مستحب وهذه ألفاظ شرعية تدل على الأفضلية..

والمشروع هو تغطية الوجه بنص القرآن الكريم..ومعلوم المشروع وهو ما شرعه

الله تعالى أفضل من الجائز، وهو ما أباحه الله تعالى.

وفي بعض الناس بتفهم كلمة فضل خطأ تقول:

دى زيادة تقوى منى وزيادة تستر منى..... لى إنى أعملها او معملهاش لأنها فضل!!

سبحاااااان الله !!!! حتى وقع الكلمة على النفس صعب

بيفكرني بكلمة قارون في قوله تعالى

"قَالَ إِنَّمَا أوتِيته عَلَى عِلمٍ عِندِي "

ده في آية كريمة بتقول

"يَمنّونَ عَلَيكَ أَن أَسلَموا قل لَا تَمنّوا عَلَيَّ إِسلَامَكم بَلِ اللَّه يَمنّ عَلَيكم أَن هَدَاكم

لِلإِيمَانِ إِن كنتم صَادِقِينَ"

الناس فاهمينها بالمقلوب !

يعنى حتى لو عايزين يصححوا رؤيتهم شوية يقولوا طيب ده فضل
من ربنا على

انه يرزقنى حاجة زى دى ويهدينى انى اتستر مش إنه فضل منى؟؟؟!!!

وأنا بقول الكلام ده بناءا على ناس شفتها وكلام سمعته من واحدة منتقبةللأسف

سبحاااان الله!!

على حجاب هذه الأيام ألوانه تجنن فعلا بتدعو لاطلاق البصر بشكل لا إرادي

أنا نفسي كفتاة انظر إليها وإلى

بسم الله الرحمن الرحيم

(2)

السلام عليكم ورحمة الله وبركاته

سؤال بيطرح نفسه

مش اللى عايز يعمل حاجة لازما ولابدا يعرف ايه فوايدها

-صوح ؟

-صوح

دلوقتى هقول الفوائد الظاهرية للنقاب

والفوائد
الباطنية طبعا عارفينها ومحدش يختلف عليها إنه أفضل وإنه قربي لله تعالى
والموضوع كله بيدور حول المعنى ده يعنى ههريكم كلام عنهإن شاء الله

ويجب التأكيد على إن مناط قبول العمل هو الإخلاص يعنى لا نحصر إرتداءنا للنقاب بالمظاهر لكن من باب الإشارة لها أذكرها

سبحان الله تستر المرأة الكامل له فوائد جميلة جدا مايحسهاش الا اللى لبسوه(وعلى لسانهم)

هى فوائد عجبانى شخصيا حتى من قبل ما ألبس النقاب

أولا في الميكروباص:

لما تيجى تركبي كأن في حالة لبس حصلت فيه كله بيوسع للمنتقبة احتراما لها(وأنا لا أزكيهم
على الله فشكل الحجاب نفسه مثير للإحترام)

وده اللى بيحصل فعلا....ولو قدر الله وقعد جنبها رجل برضه يوسع لها وبيبقي كأنه قاعد مش على بعضه خايف انه يمسها

سبحان الله!! انتى كده بنقابك خدتى عليه كذا ثواب:

1-اعنتيه على غض بصره

"من دعا إلى هدى ، كان له من الأجر مثل أجور من تبعه ، لا ينقص ذلك من أجورهم شيئا ....."

الراوي: أبو هريرة - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 2674

2-اعنتيه إنه لايمس بدنك

"لأن يطعن في رأس أحدكم بمخيط من حديد خير له من أن يمس امرأة لا تحل له "

الراوي: معقل بن يسار المزني - خلاصة الدرجة: حسن صحيح - المحدث: الألباني - المصدر: صحيح الترغيب - الصفحة أو الرقم: 1910

ثانيا: في الكلية بقي آآآآآه

بيخلصك من آفة الإختلاط

سبحان الله مثلا كنتى بتكلمى ولد وانتقبتى مرة واحدة سيبك
من إنه مش هيعرفك بس مش هيجرؤ إنه يجى يكلمك هيحس بهيبة تانية !!

ده غير طبعا وانتى لابسة القفازين محدش هيسلم عليكى بالايد

ثالثا:إنه بيحسسك بالطهر

إنك متبرئة لربنا سبحانه وتعالى من مظاهر العري في الشوارع وإنك متأففة من كده

رابعا:بييعينك إنتى نفسك على غض البصر وبيعين غيرك معاكى

خامسا:بيقرب منك صحبة صالحة ماتعرفيش ازاى لإنهم هيتوسموا فيكى الخير والصلاح وهتلاقيهم هم نفسهم بيدعوا لكِ بالثبات

ودى يهني تعتبر من ثمرات العمل الصالح..إن الحسنة تجر حسنة

سادسا:هتحسي بقرب شديد من ربنا سبحانه وتعالى وتحسي بإنه سبحانه من عليكِ واكرمكِ واختصك به

سابعا:بيحميكِ من اسمرار البشرة في الصيف
بالذااااات لو خدتى بالك وانتى محجبة بتلاقي في فرق في اللون بين برة وجوة لكن في النقاب بيبقي في homogenity في اللون

السلام عليكم ورحمة الله وبركاته

مـــــــــــــــــــــــــــــــــــنـــــــــــــــــــــــــــــقــــــــــــــــــــول

بسم الله الرحمن الرحيم

(3)

السلام عليكم ورحمة الله وبركاته

نستكمل معا

حاجة دايما بتخاف منها البنات قبل ما تلبس النقاب ألا وهى ......

وكلكم طبعا عارفينها ........(الزواج)

طب هسألكم سؤال إنتم مش مؤمنين بالله سبحانه وتعالى ومؤمنين إنه مقسِّم الأرزاق وعلام الغيوب؟؟

الزواج ده رزق من ربنا سبحانه وتعالى يؤتيه من يشاء وينزع الفضل ممن يشاء...يعنى ماتخافيش هيجيلك هيجيلك ده مكتوب ومقدر لكِ يتقدم لكِ في اليوم الفلانى في السنة الفلانية....

وعايزة
أطمنك إن رزق المنتقبات اللى شفتهم حولى (ولا أحسدهم) ماشاء الله بيبقي
أوسع أوسع اوسع بكتييييييييييييييييير من غير المنتقبات

مابيجيلهمش الا الملتزمين غالبا

واحد قاصد بزواجه منها رضا الله سبحانه وتعالى وإنها تعينه على طاعته....يعنى واحد عارف ربنا

واحد عايز بدايته تبقي كده تفتكرى ده أحسن ولالا؟

(وكل واحدة على اد نيتها في الزواج وفي ارتداء النقاب قاصدة به وجه
الله تعالى والتقرب منه بتنفيذ أحكامه ولا عشان يجيلها واحد كويس)

والنبي صلى الله عليه وسلم بيقول:

"إنما الأعمال بالنيات وإنما لكل امرئ ما نوى فمن كانت هجرته إلى الله
ورسوله فهجرته إلى الله ورسوله ومن كانت هجرته إلى دنيا يصيبها أو امرأة
ينكحها فهجرته إلى ما هاجر إليه "

الراوي: - - خلاصة الدرجة: صحيح - المحدث: ابن تيمية - المصدر: مجموع الفتاوى - الصفحة أو الرقم: 20/223

يعنى لو كانت نيتها إنها تلبس النقاب عشان يجى لها واحد كويس فقط دى نية فاسدة ومردودة عليها ولبئس النية !!

لازم تخلص في أى عمل تعمله أنه يكون فقط>>>لله !!

حاجة تانية ناس بتفتكر إن النقاب عائق عن الزواج طب هرد عليها بسؤال

تضمنى منين إنه حتى يجى لكِ رزق الزواج وإنتى غير منتقبة؟

اهو واحد شافك وشاف اد ايه انتى جميلة يكون كويس او ملتزم؟

الله أعلم....ربنا هو عالم الغيب

يعنى النقاب(قطعة القماش السوداء هذه) مش هى اللى بتفرق ولا هى اللى هتمنع الرزق..!

لكن العبرة بالتقوى

"....وَمَن
يَتَّقِ اللَّهَ يَجعَل لَه مَخرَجًا (2)وَيَرزقه مِن حَيث لَا يَحتَسِب
وَمَن يَتَوَكَّل عَلَى اللَّهِ فَهوَ حَسبه إِنَّ اللَّهَ بَالِغ أَمرِهِ
قَد جَعَلَ اللَّه لِكلِّ شَيءٍ
قَدرًا (3) "

بسم الله الرحمن الرحيم

(4)

السلام عليكم ورحمة الله وبركاته

سؤال تانى

ليه دايما لو لاقيتى واحدة صاحبتك لبست النقاب بتلاقي نفسك تلقائيا بتقولى لها مبروووك؟؟؟؟؟

وممكن لو قالت لك عقبالك تقولى يارب!!

أنا بقول الكلام ده للبنات اللى بتروح لأختها المنتقبة تبارك لها مش تقولها ايه اللى انتى عملتيه في نفسك ده؟

ليه عملتى كده؟ أنتى لسه صغيرة!!

فتشي بينك وبين نفسك أختى هتلاقى سبحان الله ميل غريزى إنك تبقي متسترة
تبقي غالية مكنونة في حجابك وإلا ماكنتيش قلتى لها مبروك أو قلتى يارب
يرزقنى زيها

حتى وأنتى صغيرة تلاقي نفسكِ بتتكسفي حد يبص عليكى أو أن راجل كبير مثلا يبوسك

فده حياء فطري!

نقطة كمان بعض الاخوات بتبقي نفسها جدا تلبس النقاب ومقتنعة به وكل حاجة بس تيجى تلبسه تقول لا بعد مااتزوج.....واحنا اتفقنا إنه رزق!!

حتى أختى الغير محجبة برضه بتلاقي في نفسها نفس الميل للتستر وللحجاب مثلا تقولى لها نفسي اشوفك لابسة الحجاب

تقول لك ادعى لى إن ربنا يهدينى والبسه..!

يعنى هى مقتنعة وعايزة تلبسه !

بس
الشيطان مانعها... مقيدها...مسلسل ايديها ورجليها إنها تنزل تشترى الحجاب
اللى تستر به نفسها والقرآن الكريم بيحكى لنا خطة عمل الشيطان في إفساد
الشعوب

"لِيبدِيَ لَهمَا مَا وورِيَ عَنهمَا مِن سَوءَاتِهِمَا "

تخيلوا اللعين عايز العرى ينتشر !!

وكانت هى دى خطته من زمان>>> المحجبة يقول لها ده انتى بنت كده
تمــــــام !!!

خلاص أنتِ عملتى اللى عليكى كفاية عليكى كده

انتى كده في ال O.K

فيفتنها ويصرف تفكيرها إنها تعدل في حجابها أو تمتنع عن أى شكل للتبرج

أو إن كان في زينة تبعد عنها.

وإن كان بنطلون ماتلبسوش

يقولها ده البنطلون عملى وكمان لما تيجى تركبي الميكروباص محدش يقدر يشوف منك حاجة!!!

والغير محجبة ينسيها (بالرغم من إنها بتشوف نفسها في المراية كل يوم وبتسرح
شعرها الصبح )

ينسيها
فرض الله ألا وهو الحجاب وتسأل عنه يوم القيامة تلاقي نفسها مش عارفة تقول
ايه وتخيلى أختى من اللى بيسألك....الجبااار....سبحانه وتعالى!

أنا مش بخوفك أختى لكن بالله عليكِ ماتضيعيش فرض الله أنتِ مسئولة طول ما أنتِ بالغة ورشيدة ..مسئولة!

وفوايد الحجاب جمييييلة وكتيييييرة بس أنتِ انوى والبسيه

السلام عليكم ورحمة الله وبركاته

مـــــــــــــــــــــــــــــــــــنـــــــــــــــــــــــــــــقــــــــــــــــــــول

بسم الله الرحمن الرحيم

(5)

السلام عليكم ورحمة الله وبركاته

طب بعض الأخوات تقول ادعى لى أن ربنا يهدينى الأول وبعد كده ألبسه !!

طب أنتِ وأنتِ لابسة حجابك(غطاء الرأس) لما كبرتى قعدتى تقولى لما ربنا يهدينى

!!

أنا بقولك ده على أساس إنك لسه مقتنعة إن غطاء الرأس هو الحجاب الشرعى

(أقصد إنى مقلتش هنا النقاب فرض ولا حاجة)

لا مقلتيش كده.... بالرغم من إنك في قرارة نفسكِ لابسة غطاء الرأس على إنه
فرض

إذن تنفيذكِ لفروض ربنا ومنها حجابك وتسترك مالوش علاقة بدرجة الالتزام

والهداية.

يعنى مش طول الحجاب مقياس على درجة الإلتزام !!

لكن لا ننكر إنه عامل مهم إنه بيضعك في صورة محترمة

((صورة نساء المؤمنين))

عايزة أقول حاجة قرأتها على الآية "وَأَنَّ اللَّهَ يَهدِي مَن يرِيد "

العلماء قالوا فيها إن الهداية نوعان:

هداية إرشاد و هداية توفيق

هداية الإرشاد يشترك فيها الناس جميعا إن ربنا عز وجل أرسل لنا النبي الرحمة

المهداة وقال عنه سبحانه:

" ...وَإِنَّكَ لَتَهدِي إِلَى صِرَاطٍ مّستَقِيمٍ 52 صِرَاطِ اللَّهِ الَّذِي لَه مَا فِي السَّمَاوَاتِ وَمَا فِي

الأَرضِ أَلَا إِلَى اللَّهِ تَصِير الأمور 53 "

أما هداية التوفيق فهى لخوّاص عباده.. محض نعمة من ربنا إنه يوفقكِ لطريق

تسلكيه إليه وهو هنا المقصود بالآية

"وَأَنَّ اللَّهَ يَهدِي مَن يرِيد "

"ذَلِكَ الكِتَاب لاَ رَيبَ فِيهِ هدًى لِّلمتَّقِينَ "

ملاحظين هدى لمين؟ >>>> للمتقين!!

عايزة أقول هنا بقى

طب وايش أدراكي إنه ممكن تكون قراءتك لهذا الموضوع هو هداية التوفيق بذاتها

وربنا ووفقك لقراءة هذه الرسالة الربانية لكن أنتِ اللى رفضتى تلك الهداية ؟

يعنى في كلمة جميلة للامام ابن القيم وهى عبارة "شيم بروق المنة"

يعنى إنك تتحسسي مواضع نعم ربنا عليكى...تستشعرى النعمة في كل حاجة وتبقي

منتظراها وتغصبي نفسك إنك يكون لكِ في كل حدث عبرة وتقنعى نفسك وتتيقنى إن

أى حاجة من ربنا هى ((نعمة))

وحاجة تانية ردا على نفس الكلمة

الناس عندها إعتقاد إن البنات اللى بتقدم على خطوة النقاب لازم تكون واحدة بلغت

من الدين قدرا أو واحدة لازم تبقي superwomen في الطاعة والعبادة

والعلم(ومنهن كذلك ولا نزكيهم على الله)

فأنا عايزة أقول على اللى أعرفهم حولى واللى أعرفه في نفسي إن أغلب اللى أقدموا

على خطوة النقاب كانت معلوماتهم في الدين صفر وتحت الصفر!!

ولازالوا بيقولوا على نفسهم إنهم أجهل خلق الله وأجهل من البهائم ولو
في لفظ

ينفع تانى كنت قلته!

لكن كونكِ تعلمى وتتعلمى...دى نعمة تانية ومن بركات إقدامك على خطوة لربنا

كل ما تقربي خطوة كل ما ربنا يعلِّمك أكتر

"ومن يرد الله به خيرا يفقهه في الدين"

أنا مش بأقول إن النقاب آخر المطاف وغلطان من يظن أن خطوة النقاب دى آخر

حاجة توصل لها...بالعكس ده هو أول الطريق !!

البسي الأول وهتلاقي النقاب نفسه بيضفي عليكى مشاعر وموجبات الإلتزام منها

غض البصر لكِ وبتعينى غيركِ به وخفض الصوت وطبعا مفيش اختلاط مفيش سلام

باليد مفيش تبرج في حجابك ولا زينة في نفسه ولا لباس شهرة

طب في أخوات بيقولوا أخاف ألبسه وبعدين أخلعه تانى؟؟؟

طب هرد على النقطة دى بحاجة تطمنكِ وتريحكِ جدا

هاحكي لكم قصة جانبية كده هى ملهاش دعوة بموضوعنا بس يعنى حاولى تتفهموا

المعنى اللى اقصده من وراها.

مرة شخص كان بيصلى ورا شيخ في صلاة معينة وأطال الشيخ في الصلاة واستثقل

الشخص ده الصلاة الطويلة دى فبمجرد ما خلص الصلاة جرى على الشيخ وقعد

يزعق فيه وقاله كلام (مش فاكره لفظه بالظبط بس هقولك اللى فاكراه
منه)

قاله: اللى يصلى وراك ده محتاج إنه يكون له مفاصل من حديد وظهر من خرسانة و

رجلين من فولاذ!!

فرد عليه الشيخ بكلام رائع فقال له:

"إن كنت تصلى بحولك وقوتك فأنت تحتاج فعلا لكل ما قلته..أما إن كنت تصلى بحول

الله وقوته فلن تشكو وسيكفيك الله من كل هذا !! "

فهمتى قصدى ؟

فاحنا ماشيين في الدنيا بحول الله وقوته.... والثبات ده محض نعمة من عند الله عز

وجل

في حد تانى بيثبت الواحد غير ربنا ؟...بس انتى اسألى ربنا أنه يثبتك وهو سبحانه وتعالى كريـــــــــم وجواد !

فليه
نخاف طالما احنا متوكلين على الله وغايتنا رضا الله ثانيا الشعور بالخوف
من خلعه ده تثبيط الشيطان عن فعل طاعة أو خير زى النقاب... ومفيش حاجة
هتصدك عن طريق خير إلا لو كانت شر إو من
الشيطان

وطالما أنتِ عرفتى كده هل تتركى له الفرصة يصول ويجول في دماغكِ ويفضل

يوسوس فيها ويرمى فيها شبهات؟

لا طبعا جاهدى نفسك وادفعى الوسوسة أولا بأول !

وخدى نفسك مرات بالتسليم ومرات بالإقناع..بمعنى.. إنك تفضلى تناقشي نفسك إن

النقاب ده هو الزى اللى ربنا سبحانه وتعالى ارتضاه لنا فلماذا لا أرضى بما أرتضاه

الله عزوجل لزوجات النبي صلى الله عليه وسلم ونساء المؤمنين وبالطبع لى؟؟

ليه ما انفذش الاية الكريمة..

"
إِنَّمَا كَانَ قَولَ المؤمِنِينَ إِذَا دعوا إِلَى اللَّهِ وَرَسولِهِ
لِيَحكمَ بَينَهم أَن يَقولوا سَمِعنَا وَأَطَعنَا وَأولَئِكَ هم
المفلِحونَ " ؟

وابتدى بقي أبحثي في أدلة النقاب واقرأى في كتب التفاسير في تفسير آية الحجاب

آية 59 في سورة الأحزاب ونفذيها وأبشرك كل كتب التفسير مفسرة الآية بما لا

يقطع الشك بأن النقاب هو زى أمهات

أما الإقناع فتقريبا موضوعى ده كه قائم على الإقناع...وانتى فكرى مع نفسك:

طب حتى لو كان النقاب فضل طب هل أنا في غنى عن الفضل ده؟؟...والنقاب فعلا سترة وعفة وعصمة لكِ عن فتن كثيرة

ولو كان فرض ليه أعصي ربنا وما انفذوش؟

إذن أختى اطمنى خـــــاااالص

ماتحطيش في دماغك الخوف من خلعه عشان ده بيعين الشيطان عليكِ

بسم الله الرحمن الرحيم

(6)

السلام عليكم ورحمة الله وبركاته

طب بعض الناس بيقولوا إن اللى بتلبس النقاب بتبقي غاوية"منظرة" وبتهتم بالمظهر وتترك الجوهر !!

طب احنا لم ندخل في نوايا وسرائر الناس حتى نحكم عليها هكذا !!!

والإهتمام بالجوهر بيكون في تزكية النفس والعبادات وأكيد احنا لم نراها بالكلية

وحتى لو رأيناها مش احنا اللى نحكم عليها

وربنا سبحانه وتعالى بيقول:

" إِنَّ أَكرَمَكم عِندَ اللَّهِ أَتقَاكم إِنَّ اللَّهَ عَلِيمٌ خَبِيرٌ"

لكن مفروض نوجِّه الكلام لجهة تانية

يعنى مثلا لما تشوفي واحدة ملتزمة أكتر منكِ تقولي يا ترى هل أنا أكرم عند ربنا ولا هى؟

وهل اللى أنا اخترته كشكل لنفسي وحجابي فيه تقوى لربنا 100% إذا فضلت على

نفس حالى ولا لما أعمل زيها؟

وعن تجربة لما بقف مع نفسي هذه الوقفة بتدفعنى نفسى لحاجات كتير.

أخوات تانيين ممكن يقولوا طب والشغل؟؟؟؟؟

آااه جينا لنقطة مهمة جدا...في اية كريمة جميلة بتقول

" وَقَرنَ فِي بيوتِكنَّ وَلَا تَبَرَّجنَ تَبَرّجَ الجَاهِلِيَّةِ الأولَى "

شوفي معايا الآية

" وَقَرنَ فِي بيوتِكنَّ "

أد ايه جميلة تحسى إن الاسلام فعلا دين بيعزز المرأة وبيكرمها

تفتكرى لو زوجك قال لكِ اقعدى في البيت ماتشتغليش هتطيعيه ولا لا ؟

طب ده ربنا عز وجل هواللى بيأمرك ليه ماتطيعيهوش ؟!!!

وتدبّرى معايا أختى إن ربنا قرن الخروج من البيوت ومخالفة أمرة بالقرار فيها

بــ"وَلَا تَبَرَّجنَ تَبَرّجَ الجَاهِلِيَّةِ الأولَى "

وأنا مش بقول لكِ خليكى في البيت محبوسة لحد مايجي لك كبت...لا أبدا....!!

إسلامنا عمره ماكان دين شدة وعنف...وماكان الله سبحانه وتعالى ليكلِّفنا مالا نطيق!

أنتِ مأمورة إنك تتعلمى(طلب العلم فريضة) وتسعي في تعلم ما لايسعكِ جهله من

العلم الشرعي كعلم الفقه والعقيدة

ولكن

تلتزمى في خروجك بالضوابط الشرعية كالحجاب السابغ وغض البصر وعدم

الخضوع بالقول وعدم الإختلاط والحجاب السابغ

والنقطة الاخيرة (عدم الإختلاط) كلنا للأسف مش عارفين نحققها لأنها موجودة في

كل حتة في الكلية..في الأسواق..في الشغل

أنا دلوقتى مش بناقش فرضية النقاب بس بفكر معاكو بصوت عالى

لذا كيف السبيــــل؟؟؟

وأقول لك يا أختى عليكى إنك تنفذى الآية بظاهر ما تقتضيه الآية!...ازاى؟

بإنك تبقي برة بيتكِ زيك كأنك جوة بيتكِ!!

أنتى لما بتكونى في بيتك حد بيبقي شايفك؟

لا!!...الجدران والستائر والأغطية مغطياكى.

طيب نفذى الاية بقي اخرجى وأنتى متغطية

طب في الشغل اضمنى لى إنه مايبقاش في إختلاط وأنا أقول لكِ اشتغلى وطبعا ده في

حدود الضرورة وطبعا مش كلامي لكن كلام أهل العلم!

عموما أنتِ مش مأمورة بالشغل لإنك ملزومة من زوجك-إن شاء الله- وأهلكِ

ومحارمكِ بأنهم يصرفوا عليكِ

وده من حفظ الإسلام لكِ !

ولو تلاحظى عمرنا ما سمعنا إن واحدة من نساء الصحابة نزلت للعمل اللهم إلا في

الطب والتمريض وهذا من فروض الكفاية!

وبعض أهل العلم دلوقتى -وهو ما أميل له- قالوا إن المجالين الوحيدين اللى أجدر

للمرأة أن تشغلهما هو مجال الطب والتدريس.

فان كان ولابد اوى بإن اقتضت ضرورة للعمل (ضرورة بمعنى ضرورة مش فانتزيا

وشغل وقت فراغ فعلا الشغل مليات فتن انتِ في غنى عنها بقراركِ في
البيت)

فاشتغلى واحفظى نفسك بنقابكِ وبالضوابط الشرعية وإن شاء الله ربنا هيحفظك

السلام عليكم ورحمة الله وبركاته

مـــــــــــــــــــــــــــــــــــنـــــــــــــــــــــــــــــقــــــــــــــــــــول

بسم الله الرحمن الرحيم

(7)

السلام عليكم ورحمة الله وبركاته

سؤال بدعوكى أختى إنكِ تسأليه لنفسكِ

بالنسبة للأخوات اللى بيبقوا نفسهم يلبسوا النقاب وأهاليهم مش موافقة

ليه تلاقيهم بيجاهدوا مع أهلهم كتييير وبيبكوا ويتوسلوا ويقبلوا إنهم
يتحرموا من

حاجات كتيييييير عشان يلبسوا النقاب؟؟

وتسمعى إن أخت أهلها قعدوها في البيت لما بس فتحت سيرة النقاب مع
أهلها

وأصرت عليه

وأخت تانية أمها بهدلتها وفضلت تعاملها زى الشغالات في البيت وهى بنت أسرة

كبيرة لما جت تلبس النقاب

وأخت تالتة والدها حلف عليها إنها ماتلبسوش طول ماهو عايش لحد مايموت لدرجة

إنها لبسته من وراه

وأخت رابعة أمها حرضت عليها الأهل والمعارف كله ضدها عشان تثنوها عن النقاب

وأخت أبوها حبسها في البيت

وكتييييييييييييييييييييير كتييير

وأعرف من قصص أخوات كانت ساعدت بنسبة كبيرة في تثبيتى لما جيت ألبس

النقاب

قصص مع النقاب جميييلة جدا وأشعر من خلالها بصدقهن مع الله والحمدلله لاقوا

ثمرة الصدق ده

وماتخافيييييييش مش كل الأهالى بالدره دى

بسم الله الرحمن الرحيم

(8)

السلام عليكم ورحمة الله وبركاته

من بعض الكلام الذى يقال عن النقاب!

أنها تكره النقاب وتعتبره هذا الغطاء الاسود سجن يحيط بالمرأة وتعتبره شكل لا إنسانى ...بل وتشعر بالمرارة الشديدة كلما رأت فتاة ترتديه وتسأل نفسها لماذا هذا اللباس؟؟

إنه إهانة للمرأة التى كرمها الله ولم يهنها...وأننا لسنا بمخلوقات خطيرة أو عجيبة ليتم تغطيتنا بهذا الشكل اللإنسانى

وأتذكر
أنى رددت عليها أننا فعلا لسنا بمخلوقات عجيبة أو خطيرة كي تتم تغطيتنا
ولكن النساء في الإسلام "درر مكنونة" عنى الإسلام بحفظها وسترها عن أعين
الطامعين

وهذا من واقع إهتمام الإسلام بنا الذى يحفي بنا ويعاملنا كأننا ملكات و والله والله الإسلام يحبنا ويهتم بنا !

وإلا ما كان الرسول صلى الله عليه وسلم يستوصي بالنساء خيرا ويقول ذلك في خطبته الأخيرة قبل وفاته صلى الله عليه وسلم

ويقول(استوصوا بالنساء خيرا)

ويقول في موضع آخر(خيركم خيركم لأهله)

وفي موضع آخر يقول(رفقا بالقوارير)

وضربت لها مثال عن طالبات الكليات العملية المرموقة كالطب والصيدلة والهندسة كيف بهن؟؟

كيف يدرسن ويعملن ولايؤثر نقابهن عليهن؟؟

ومثال لذلك كلية الصيدلة اللى أنا اتخرجت منها -بفضل الله- وهى كلية عملية جدا تتطلب إستخدام الفم لشفط بعض المحاليل في أكثر من مادة

وتتطلب إستخدام العين للرؤية خلال الميكروسكوب

وتتطلب إستخدام الأيدى في حقن وتشريح بعض الحيوانات

وتتطلب إستخدام الأنف لتمييز بعض روائح النباتات الطبية

ولم أسمع من زميلاتي عمن وجدت مشكلة تذكر لدرجة أن تشكو أو تتضجر أو تندم على إرتداء النقاب

ولا أقول هذا تحيزا للنقاب !!

وإلا ودعينى أسأل هذا السؤال معكِ...

كيف تخرجت في مثل هذه الكليات من هن أكبر ومروا بكل الأعوام الدراسية ومن هن لبسن النقاب من قبل حتى دخول الكلية؟

وسألتها

ولماذا تكرهين النقاب؟؟

هل تكرهين تستر أخواتك المسلمات؟

هل تكرهين صون وحفظ اللحوم العارية عموما

وأن نبقي احنا الحسنة الوحيدة بجانب العرى الشديد في المجتمع؟؟

أوضح لكم أخواتى إن نسب الجمال متفاوتة جدا بالنسبة للرجال

فهناك من تجدونها ذات وجه عادى جدا وتعجب رجلا

وهناك من هى أكثر منها جمالا ولاتعجبه!

نقطة بقى بسمعها كتير !!

بنات بتقول حجة غريبة على عدم لبس النقاب

بتقول النقاب ده للجميلات بس وأنا مش جميلة للدرجة عشان ألبسه

فهأنقل رد كان أحد الأخوة الشباب كتبها في تعليق له:

طيب : هل لازم اكون حلوة وامورة ومدندشة عشان البس النقاب ؟

الجواب : لا بالطبع ... والسبب

1_ان مافيش نص بتخصيص .

2_ان الفتنة لا تتجاوز احد في عصرنا.

مااااااااشاء الله عليك غاليتي
نقابي عزتي
موووضوع رائع وهادف ومفيد
جزاااك الله خيرا على جهودك ورزقك الجنة
بانتظار المزيد
اختى ..ايه رايك تكونى منتقبه؟؟ 141375

يستحق التقيم
اختى ..ايه رايك تكونى منتقبه؟؟ Image408

تسلم ايدك نقابي عزتي
موضوع هادف وجميل
وانا معاكي طبعا مش لازم تكون الفتاه جميله جداا لتلبس النقاب
لان الاذواق تختلف من شخص لاخر ومن يراها غير جميله يرها غيره جميله
ابدعتي غاليتي
بارك الله فيكي

» اية رأيك تكونى منتقبة؟؟؟
» انلم تكونى مثلهن فلا اقل من ان تتشبهى بهن
» ما رايك في لبس البنطال؟؟
» كيف تكونى من اهل القرآن
» لكى اختى المنتقبه