الجمبرى بلطريقه الفلسطينيه [ زبديه الجمبرى ]

[center]نيجي للمقادير :

جمبري صغير كثير منظف و مغسول بالخل و الطحين

كلماري مقطع منظف و مغسول بالخل و الطحين

بصل

توم

ملح

فلفل أسود مطحون

فلفل أخضر

كزبرة مطحونة

كمون مطحون

بندور حب و مقشرة

الطريقة:

أولاُ نسلق الكلماري بماء ساخن و نتركة يفور كذا فورة لأنه بياخد سوى على النار أكثر من الجمبري

و بنكب الميه و بنشطفه منيح بالميه الباردة عشان الزفرة

و
بعدين الجمبري بنسلقه بالميه بس فورة واحد بس لأنه لو ضل أكثر من هيك
بيتفتفت و بعدسن بنغسله بالمية الباردة عشان الزفرة و بنحطه مع الكلماري
بجاط و بنتبلهم بملح و فلفل أسود و كمون و بتركهم على جنب مثل الصور

يمكن تسألوا ليش نص سلقه ما احنا ممكن نشوحه على النار ؟؟؟

مزبوط
بس منشان الزفرة و الزناخة تطلع منهم بيكون أحسن و ممكن تشويحه على النار
أنتي حرة و بعدين تنشليه من دون ميته ... بس الجمبرى عليه زناخة و هو ني لا
تطاق... و الامر بيرجعلك...

بعدين على النار بنشوح بصلة كبيرة بزيت الذرة و لما تدبل بنضيف عليها الثوم

بعدين بنضيف الكلماري المسلوق مع البصل و التوم لأنه بياخد سوى على النار

بعدين
بنضيف البندورة المقطعة ناعم و المقشرة أنا بندورتي كانت خضرة فقشرتها و
بالخلاط و حطيت عصيرها و ضفت عليهم كم حبة مقشرين حمر و مقطعين

بس الاصل أنه بندورة حمرا مستويه منيح مقشرة و مقطعة ناعم

أه نسيت أنا أحط الفلفل الأخضر مع البصل فقطعته و ضفته مع البندورة

و بنسيبهم يغلوا و يتسبكوا شوية و بنبهرهم بالكزبرة الناشفة المطحونة و الفلفل الأسود و الكمون...

انا حطيت معلقة صلصة صغيرة ..واحدة بس ... علشا تحمر لأنه بندورتي خضرة ...

و بعدين بنضيف الجمبري و بنقلبه و خمس دقايق على النار و بعدين بنطفي عليه

و بعدين بنجيب زبدية فخار و بنضيف فيها الخليط و بنرشه باللوز و الصنوبر الني و بنحمر وشها بالفرن

و سلامتكم

[/center]

تسلم إيديكِ يا ست الكل عالطبخه الجميله

يعطيكِ العافيه

طريقه جميله أتمنى الجميع يستفيد منها

اشتهيته امي
يعطيك العافية
ماشاء الله

أمة الله (أم يونس) كتب:: تسلم إيديكِ يا ست الكل عالطبخه الجميله

يعطيكِ العافيه

طريقه جميله أتمنى الجميع يستفيد منها

الله يسلمك يالغاليه
شرفتنى بالمرور العطر
بوركتى بحفظ الرحمن

نور القمر كتب:: اشتهيته امي
يعطيك العافية
ماشاء الله

تسلمى يالغلا
نورتى يااااقمر

» مسيرة العودة الفلسطينيه او الانتفاضه الفلسطينيه الثاله
» سلطه الجمبرى بالمانجو
» القدره الفلسطينيه (بالصور )
» خطه الانتفاضه الفلسطينيه الثالثه
» **البسبوسه الفلسطينيه**من إيدين أختكم أمة الله